Qaamus 8:13 - NABUWWA KEE MALIKWA

¹³ Too ayro qaafiyatak nagay tan furrayna kee, duddu hee baxuwih agantah bakaarak gexxaamah boolaatelon.

Qaamus 8:13 Referans Kwoze

Hosiqa 2:3

Siinik cintek, sara teetik kalla heeh, tooboke saaku qasunuk akah sugte'nnah, qasunuk tet heeyyo. Kafte baaxoy tu elle aabuke waytah innah tet heeyyo. Bakaarah rabele.

Zakariyya 9:17

Baaxo too saaku kaxxam amqele. Baxuw kee furrayna inkih, mango daro kee qusbih bicsen qinab kamrik adoobitak ariiqo baahelon.

Ermiyaas 48:18

«Mooyab rasu bayisu waa num yemeeteh yan. Gaso maroh edde tan magaalooli bayse. Tonna kinnuk Diboonul yan maraw, ama elle tanton kaxxa aracak ugutay. Annah amay guddaafak bagul daffeya.

Yasaqya 40:30

Qunxaane kee furrayniinol, num taqabelem raq mali. Bar qunxaamah yandufuleh; bar qunxaamah radah immay

Yasaqya 9:17

Tonna leemiik Yalli furraynak num keenik asillimi mahannaay, ken qayxiixa kee gubuunuk numuh maxuwaawinna. Macaay inteenik, oson inkih Yalla maloonuuy, uma marah yaniiniih; oson edde yabba 'yaanam inkih umaane. Tohuh, Yallih naqbi maxamcaay, ken edde digaaluh ruube gaba wadir magacsa.