Qaamus 8:1 - NABUWWA KEE MALIKWA

¹ Qaamus kaadu qagseh iyyemii, «YALLAY Mulki le kaadu gersi sirri yoo yuybullee. Too waqdi kaadu sirrih ublemii, kafaqay kudaarak kibuk yanihiyya uble.

Qaamus 8:1 Referans Kwoze

Qaamus 7:1

Qaamus kaadu iyyemii, «YALLAY Mulki lehiyya sirri yoo yuybulleeh; tohu, malik daro orobba 'teh nammayhaytô-daro edde taabuke waktit, Yalli too darot qadad sinni qanaytu ruubah uble.

Qaamus 7:7

«Wohuk kalah gersi sirri yoo yuybulle. Too sirril xisen gidaarih xaqul Goyta soolah uble. Woo gidaar missat xiseenim kee xise weenim elle yaaxigen miizaan gabat abbaxih kaa uble.

Qaamus 7:4

«Tohuk kalah kaadu gersi sirri yoo yuybulle. Too saaku kaadu ublemii, YALLAY Mulki le ummat girat digaala'gidih bicat yanim uble. Too gira baaxok guba raaqa kaxxa bad akamih uble. Too badak gaba kalte waqdi baaxo kaadu cararisah uble.

Ermiyaas 24:1

Ermiyaas iyyeemih, «Baabelon malikiy migaaqah Nabkadnessar deqsitahiyya, Malik Yahoyaakím-Yahoyaasin kee kay gubal ten xintoh abbobti kee, naggaaritte kee taamah ixxiga luk yen mara gaabossa heeh, Yarusalaam magaalak Baabelon rasu fanah seewah beyya heek lakal, YALLI wacyih namma kafaqay YALLIH Qibaadah-Qarik foocal daffessa heeniy addat *sublâ-xaylo akak tani yoo yuybullee.

Qaamus 7:17

YALLI kok iyyem koh warisu waa. ‹Barra kok a magaalal xiiqareh-xiina akkele. Xalte xaylo carbit kok rabele. Ikoytah lito baaxo qaduwwi kok kureenih keefelon. Atu kaadu diini-maleelah yan marih baaxol rabetto. Israayil marah tu gactek, carbit xabba ken heenih seewah ken beelon› 'yaanam iyye» kaak iyye.

Qaamus 8:2

Too waqdi YALLI yok iyyemii, ‹Maca table?› yok iyye. « ‹Kudaarak kibuk yan kafaq ableh an› 'yaanam exce. «Too waqdi yok iyyeemih: ‹Yi maray Israayilih yoobokehiyyah ellecabo gufteh. Tahaysa ken digaaleyyo ikkal, wadir akak maxca.