Qaamus 7:9 - NABUWWA KEE MALIKWA

⁹ Israayil ummat qibaada elle abta aroocay taahirik tanihiyya addigillele. Iscaak durruyyatih qibaadah arooca abur akkele. Yarobqam kee kay dardaarinna inkitanuuk finqa abeyyo› 'yaanam yok iyye» iyye.

Qaamus 7:9 Referans Kwoze

Qaamus 8:14

Too ayro Samaariyal tan ceelo iyyaah Daan mari yaqbudem iyyaah, Bersabaq-dageltaw axcuk yaqbuden duyyeh migaaqal xiibita mari inkih bayele. Too baatik muugutan› 'yaanam yok iyye» iyye.

Qaamus 5:5

Bersabaq fanah qibaadah magexina. Beetal magaalal kaadu qibaada maabina. Macaay inteenik, Beetal foyyâ magaala akkele. Gilgal kaadu magexinaay, Gilgal magaalal dabqih yan mara seewah beelon› iyya» 'yaanam iyye.

Qaamus 3:14

Israayil mari abe dambih digaalu waa saaku, Beetal-magaalal tan sadgat elle aban arooca keenik aggileyyo. Sadgat elle aban aracak affara ruknil tan gaysoosi bututtukka axceleeh; baaxot radele.

Hosiqa 10:8

Beet-Awenil fayya le ikkel tan aroocay uma-taama elle abak sugeenihiyya bayele. Oson bicsen qibaadah aroocal waaqex kee keenan aabukele. Ummat qaleelak, ‹Nee uqura› axcele. Koomaamik, ‹Nel radaay› axcelon» iyye.

Yasaqya 63:18

Dago waktih gide ku mari ku aracay taahirik yani luk sugeeni'mmay, ni naqboytit awayih ibak too aracay koo elle yaqbudeenit yeeqeten.

Ermiyaas 51:51

‹Nee xaafeeniih qaybit radneh. Qaybih tanim net tekkeeh; wacarriyih rabna. Marin baaxok yemeete mari YALLIH Qibaadah-Qarik taahirik tan arooca culen› 'yaanam intan.

Qaamus 7:11

Qaamus, ‹Yarobqam carbit rabeleeh, Israayil ummat carbit xabba heenih seewah beelon› 'yaanam iyya» inta farmo kaah ruube.

Qaamus 7:13

Takkay immay Beetal malik qibaada elle abaah, ummat dooqa elle abta qari kinnuk, tahaysa tokkel sirri uble 'yaanam maxcin» 'yaanam iyye.

Miika 1:5

Tah inkih akah takku waytam, Israayil mari edde ase dambih sabbata. Israayil mari Yallih yab cineh. A mara dambit asissem iyyaay? Keenik inaytah tan Samaariyah magaala. Yuudâ-rasul xeet kee cooxut aban qibaada ankeey? Yarusalaam magaala.

2 Malikwa 14:24

Takkay immay usuk kaadu YALLAL dambi lem baaheeh; kaak duma malikih suge Nabát-Yarobqam abe uma-taamay Israayil ummat dambit akah asak sugtehiyya kataatak suge.

Yacedkel 6:3

‹Israayil qaleelaw, Mulki-le-YALLIH yab oobbeya› inxic. Yoo YALLAY Mulki lehiyya edde yaaba yab, qaleela kee koomaami kee qaleelak fanat tan goloolak, ‹Oobbeya› inxic. Xeet kee cooxuk bicsen duyyeeya elle yaqbuden arooca bayisu waa seef ruubeyyo.

Qaamus 9:1

Qaamus kaadu qagseh iyyemii, «Goyti sadgat elle aban mansafih xaqul soolah uble. Too waqdi iyyeemih: ‹Dooqa elle aban qarih culmah ranko tangayyem fanah, qari elle soola qamiddu utuk. Butukka haay qari sinaamal akah yaddigille innah ab. Too qari elle yiddigille marak kalih maray raaqehiyya anu seefit seleyyo. Yaawweenimih mayasilliman. Yasillimeenim yakkaleenimih rabak mawaddiiman.