Qaamus 5:5 - NABUWWA KEE MALIKWA

⁵ Bersabaq fanah qibaadah magexina. Beetal magaalal kaadu qibaada maabina. Macaay inteenik, Beetal foyyâ magaala akkele. Gilgal kaadu magexinaay, Gilgal magaalal dabqih yan mara seewah beelon› iyya» 'yaanam iyye.

Qaamus 5:5 Referans Kwoze

Hosiqa 4:15

«Isin Israayil maraw, yoo ganteenih. Yuudâ mari sin akke way! Gilgal kee Beet-Awen magaaloolil qibaada maabina. Yi migaaqay waarahiyyal maxiibitina.

Qaamus 8:14

Too ayro Samaariyal tan ceelo iyyaah Daan mari yaqbudem iyyaah, Bersabaq-dageltaw axcuk yaqbuden duyyeh migaaqal xiibita mari inkih bayele. Too baatik muugutan› 'yaanam yok iyye» iyye.

Qaamus 4:4

YALLAY Mulki le iyyaamah, «Israayil maraw, fardi siinit celtek, Beetal gexay dambit asa. Gilgal gexay, dambik dudda hayteenim aba. Yok wayteenik, maacak maaca sadgatah lac baahay qidaay, sidochaytoh ayro dakaat ucuya.

Qaamus 7:17

YALLI kok iyyem koh warisu waa. ‹Barra kok a magaalal xiiqareh-xiina akkele. Xalte xaylo carbit kok rabele. Ikoytah lito baaxo qaduwwi kok kureenih keefelon. Atu kaadu diini-maleelah yan marih baaxol rabetto. Israayil marah tu gactek, carbit xabba ken heenih seewah ken beelon› 'yaanam iyye» kaak iyye.

Hosiqa 12:11

Gilqad deqsita aracal kaxxa umaanet asa mari ambaxele. Gilgal rasul awurwa sadgatah qidaanah immay sadgat elle aban arac gubbik bagul gaaboysen qalum akkele» iyye.

Hosiqa 10:8

Beet-Awenil fayya le ikkel tan aroocay uma-taama elle abak sugeenihiyya bayele. Oson bicsen qibaadah aroocal waaqex kee keenan aabukele. Ummat qaleelak, ‹Nee uqura› axcele. Koomaamik, ‹Nel radaay› axcelon» iyye.

Hosiqa 9:15

Yalli iyyeemih, «Oson umaane elle qimbiseenim, Gilgal deqsita araca. Anu naharak ken inqibem too ayrok ten. Oson aben umaaneh sabbatah, inni baaxok ken ayyaaqeyyo. Ken abbobti yi yab cinteh immay yok kaadu keenih luk suge kacni gaba kaleh.

Yasaqya 29:20

Macaay inteenik, racmatta maleela baatih gexele. Kulliimil qangaasalah raba mari mano luk maraaqa. Umaaneh abittoh sangeelak yen marih baati akkele.

Yasaqya 8:10

Abtoonu waytaanamal malisa'mmay siinil mabicta. Faxxeenih gide yaabita'mmay toh inkih tu maxiqta. Macaay inteenik, Yalli ne'lih yan.

1 Samuwel 11:14

Samuwel kaadu qagseh keenik iyyemii, «Gilgal fan genxay 'xicaay, wokkel nammeyhaak Saawul ni malik kinnim diggosnay» iyye.

1 Samuwel 7:16

Kulli sanatal Beetal kee Gilgal kee Mixfa fan gexak sugeh, too baaxooxal titta waak suge mara bicisak suge.

1 Samuwel 8:2

Kay xayloh nammayak naba awki migaaqah Ayyuqel deqsitak yeneeh, qunxa awki Abiyya deqsitak yen. Oson Bersabaq deqsitta magaalal cokmaabah yenen.

1 Malikwa 12:28

Toh cisaabisak suggu 'yeh sinaamal fayu essereeh; sarrak dahabak namma daheltih ceelo bicse. Tohuk lakal isi marak iyyeemih, «Akkeek, Yarusalaam magaala fan gexxaanam xexxaarah duuduntam hinnak, ahaysa Masrik sin yeyyeeqe sin Dagelti ah kaana; akkel yaniih, wokke akah taqabtaanam manton» keenik iyye.

1 Malikwa 12:29

Too namma daheltih ceeloy bicsehiyyak tiyak teena Beetal deqsita aracal heeh, akittu Daan deqsita aracal hee.

Qaamus 3:14

Israayil mari abe dambih digaalu waa saaku, Beetal-magaalal tan sadgat elle aban arooca keenik aggileyyo. Sadgat elle aban aracak affara ruknil tan gaysoosi bututtukka axceleeh; baaxot radele.

Qaamus 7:10

Too waqdi Beetal magaalal kaxxa seekih yen Amaxya deqsita num, Israayil malikiy Yarobqam deqsitahiyyah farmo ruube. Farmoh kaah ruubemii, «Qaamus akak iyyan num Israayil marih addat gacca 'yeh, kok abu waamih malat yan. Kay yaabat ummat aylahitta 'teh baaxo baatam faxxa.

Qaamus 7:13

Takkay immay Beetal malik qibaada elle abaah, ummat dooqa elle abta qari kinnuk, tahaysa tokkel sirri uble 'yaanam maxcin» 'yaanam iyye.

Yoosuwa 5:9

Sarrak YALLI Yoosuwak annah iyye. «A saaku Masril luk sugten qaybik sin kaleh» iyye. Too arac a saaku fan Gilgal deqsita. (Gilgal iyyaanam kalti iyyaanama.)

2 Malikwa 23:8

Yuudâ-magaaloolil sugga 'te seeka Yarusalaam fan baahe. Inkih tan Yuudah baaxol sugte mansafittey too seeka qerto elle ruubak sugtehiyya foyya keenik abe. Tonnah kaadu, magaalâ-xintoh abbah yen Yoosuwa xise culmak foocal hee qibaadah-aroocay magaala akak culan culmak gura le qaxak tenehiyya wokkek kaleh.

Ermiyaas 48:13

Duma Israayil, elle aaminuk yen Beetalat wacarriyya akah iyyen innah, Mooyab mari kaadu ah keenit takku wayta saaku, Kamos akak 'yaanamay yallah loonuhiyyah abak sugen qibaadat wacarriyelon.

Qaamus 1:5

Damaskoh magaala akak culan gasoh afoofi aggiggileyyo. Awen Golo deqsitta'kkel dabaaqah yan mara bayseyyo. Beet-Qadan xiinisa abba kaadu bayseyyo. Suuriyah mara Kiir rasu seewah beelon› iyya» 'yaanam iyye.

Qaamus 7:9

Israayil ummat qibaada elle abta aroocay taahirik tanihiyya addigillele. Iscaak durruyyatih qibaadah arooca abur akkele. Yarobqam kee kay dardaarinna inkitanuuk finqa abeyyo› 'yaanam yok iyye» iyye.