Qaamus 5:2 - NABUWWA KEE MALIKWA

² Israayil ummat seefit tinnikisseeh, ahaysa uguttam madudda. Ken baaxol dibu ken cabeeniih; ken cattaah, ken ugussam matan.

Qaamus 5:2 Referans Kwoze

Ermiyaas 14:17

Kaadu qagseh iyyemii, «Keenik intaamah, ‹Yi maraw, isin uma mudumuh muddumtoonu waytaanaah, kaxxam biyaakittoonu waytaanam ableeh; tohuk gexxaamah, bar kee loqoh intik ximo yok caxittaah, kulli way siinih abah an weeqat an› keenik inxic.

Qaamus 9:11

YALLI iyyamaa, «Dawud dardaarinnay yiddigille qarih innah yiddigillehiyya edde xisu waa wakti amaatele. Gaso akak xiseyyo. Abur wadir akak aqusbuuseyyo. Duma akah suge'nnah gacseyyo.

Qaamus 8:14

Too ayro Samaariyal tan ceelo iyyaah Daan mari yaqbudem iyyaah, Bersabaq-dageltaw axcuk yaqbuden duyyeh migaaqal xiibita mari inkih bayele. Too baatik muugutan› 'yaanam yok iyye» iyye.

Hosiqa 14:1

Hosiqa iyyeemih, «Israayil ummatey, YALLAY sin Dagelta kinnihiyya fanah uduura. Edde tanin dambi baati siinih xale.

Hosiqa 6:2

Namma ayro kee sidiica ayrot, mano net gacseleeh; kay xaqul anenno.

Ermiyaas 51:64

Too waqdi, ‹Baabelon, YALLI teetil baahu waa umaaneh, too warkatih innah, suteleeh, wadiriik muugutta› 'yaanam inxic» kaak iyye. (Sinam isih is taqbissa.) Ermiyaas yab tama ikket yaade.

Ermiyaas 50:32

Sin doolatay kaxxiinah moyya qaraanal haytahiyya andafoofelele. Tondofoofoleh annikissele. Tohuk wadir num sin muugusa. Sin magaaloolit gira ruubeyyo. Keenil sugga 'tem inkih too girah gadda akkele» iyye.

Ermiyaas 31:4

Kiciyyo Israayil maraw, ahak sarra sin xiseyyo; ahak sarra karambo xabqet hayya hayteenih farcatah digiretton.

Ermiyaas 18:13

YALLI iyyemii, «Israayil rasul ahayduma akke waytem tekkeh tan. Lubnaan rasul tan qaleelah amol arroqle kibuk suge wayta ayro masuginna. Woo qaleelah baguk lee darah oobe wayta saaki masuginna. Annah tanim kulli way taniimiiy qusbam hinna. Yi marah tu gactek, qusbaamay ceele waytahiyyat aseh yan. Ahayduma sinam abe wayteeh, aabbe wayteemit aseh yan. Toh macaay inteenik, Israayil mari edde asem, uma yabulih taniimi.

Ermiyaas 4:20

Naharsi balah lakal gersi bala ciggiltah tan. Inkih yan rasi abuuruh raaqu waah yan. Sirooqa nek, nanu cube'kal nan way, foyya nek aboonu waanah yanin. Goli sara qanxixxisoonu nek waanah yanin.

Ermiyaas 2:27

Yoo fan tafkuneenimik, darre yot cabteeniih, caxak, ‹Ni-ina› intaanaah, xaak, ‹Ni-abba› intan. Takkay immay gibdaabini siinit yakke waqdi, ‹Yallaw, nel uduuray nee wad›, yok intan.

Yasaqya 43:17

Too dabaanal celeemah tan qaskar edde baatu wayta gitat ruube. Too qaskar faras-gariira kee faroosa qeebih luk gexxe'mmay, elle gexen ikkel akak ugte waan niksoh yinnikisseeniih, mano luk maraaqinnon. Urta dubaalat elle bargusan innal, xaynal Yalli ken barguseh.

Yasaqya 37:22

tonna-leemiik kaat takku waytam koh warisu waa› kok iyya. YALLI Sanceeribik iyyam ah teeti: Siyon-qaley taahirik yani koo burteleeh kol anqaasele; Yarusalaam-magaala atu kudda way burah af kol raqeeqisele.

Yasaqya 24:20

Baaxo yiskire numih innah kabuk kabul lagaq axcele. Digga sinni siraqih innah angayyele. Abte Yallih-cinak gexxaamah annikisseleeh, abte niksok sarra muugutta.

Yasaqya 14:21

Masgaada qimbisa! A malikih xaylo, ken kaxxa abbobti abte dambik gexxaamah, ambaxele. Keenik num xintoh abba mayakkaay, hinnay kaadu, baaxô-bagul mango magaala maxisan.

Yasaqya 3:8

Hay tonnal Yarusalaam baatih lagaq intaah, Yuudâ-rasi finqah gexam faxa. Abba haanam kee inxicca 'yaanam inkih, Yallal saduh taniimi. YALLA qaduk xaafan.

2 Malikwa 17:16

YALLAY ken doorehiyya keenil oobise amri cineeniih, Yallih aftok dahabak bicissa heen namma daheltih ceelo yuqbuden. Migaaqah Aseera deqsittaamay yaqbudeenihiyyah astah heenih sugen gurmudda soolisen. Tohuk kalah, cutuukâ-qibaada kee Baqal-deqsitta-duyyeh-qibaadat gacen.

2 Malikwa 15:29

Fekac malikih suge dabaanal, Assuuriyah malikiy migaaqah Tiglat-Fileeser deqsitahiyya Qiyon kee Aabil-Beet-Maqka kee Yanowac kee Kedes kee Caxor deqsitta magaalooli kee, tonnah kaadu, Gilqad kee Galiil kee Naftaali marih baaxo Israayilik raaqiseh. Woo baaxol suge mara Assuuriya fan seewah bee.

Ermiyaas 8:4

YALLI kaadu qagseh yok iyyemii, «Yi marak intaamah, ‹Yinnikisse num niksok maay ugte waa? Gitak hoxe num gitah maay aduure waa?

Ermiyaas 9:9

Hay ta mara digaalam yol matana'nna? Tannah yan marak ta umaane abalih digaale ikkal, ken cabam mameqe. Tahat yabtam yoo YALLA» 'yaanam keenik iyye.

Ermiyaas 9:21

Macaay inteenik, rabi qarik xoggaak buxah adda nek culeh yaniih, maroh gasoosa edde nabbixe magaaloolih adda culeh yaniih, urru gitittel nek raaqisah yan. Furrayna qadaagah aroocal nek raaqisah yan» iyye.