Qaamus 4:1 - NABUWWA KEE MALIKWA

¹ Qaamus kaadu qagseh iyyemii, «Gabâ-qaysoh yabbixen laahih innah arooduh gace Samaariyah rasul yan agabow, siinik axcem liyok ankacisa. Boola le maral umam bahtan. Masaakiinat xukkuttan. Gennaaqot sin tabbixe labhak, ‹Gexay kamri neh baaha› intan.

Qaamus 4:1 Referans Kwoze

Qaamus 6:1

Qaamus kaadu iyyemii, «Siyoonul meqe manoh tan abbobti kee, Samaariyal raacatat tan abbobtiy, siinit takku waytam abletton. Israayiliy kaxxa doolatah tanihiyyak kaxxa mara kinniton. Catoh sinam siinih tamaateemih, siinit takku waytam abletton!

Qaamus 5:11

Masaakiinah cakkit taaqiteeniih, daro keenik dirkih beyya haytaanah, isinnih haysittan. Tonnal, ama gabah oren xeetik bicsitten qarwat buxah magactan. Meqe qinab tuysubukeenih taniini'mmay, tuysubuken qinabak bicissen maqab mataaquban.

Yacedkel 39:18

‹Qaskar raysak cado akmettoonuuh, baad abbobtih qabala aaqubetton. Yakkeenimiik, maruw akkiiy ida akki reyta akkiiy, hinnay kaadu, ariiqo bahsiisen awur akki elle yasguuden innal, ken asguudelon.

Malaaki 3:5

YALLAY Nabaamak Nabahiyya iyyeemih, «Anu sin mekla'gidih sin adda amaateyyo. Amaate saaku baab abaah, dalwa abaah, diraabah sumaaqitaah, taamâ-marah cawal kalitaah, gubun kee qayxiixaa kee allî-baaxoh maray ken addal yanit xukkuta maral inkih ackumeyyo. Too mari inkih, yok meysite waa mara.

Ayyuqel 3:3

Yi maray seewah orbiseenihiyyal saami caxxa qiden. Lih xiinen xiiqareh xiina kee yooqoben kamrih, meklah, yi marih xaylok say urru kee lab urru racmatta sinnuk yeceen» iyye.

Yacedkel 22:29

Baaxol yan mari kaadu, sahda duquurusakaay duyye keenik buuba. Masaakiina kee tu maleelat xukkutaanah. Allî-baaxoh maray addal keenik yanihiyyah cakki mayaaxigan.

Yacedkel 22:27

Israayil abbobti, barugi amol tongoorowe suulay mariiy kabuk akak yakmeh innah abitan. Gita maleh gaddalitaanamih fayxih sahda qidan.

Yacedkel 22:12

Ku addal yan marak garab, lakqo akah ucuyya haan waqdi, qida iyyen mara qida. Marak garab abuuduh yeceeh yan lakqot gacsal ossotina faxa. Isinni cuggaaneh lakqo dulmih beyan. Ku mari yoo hawweeneh yan. Tahat yabtam, yoo YALLAY Mulki lehiyya› teetik inxic.

Yacedkel 22:7

Yarusalaamey, isi xaleena yassakaxxe num ku addal mayana. Marin baaxoh maray addal kok yani duquurussa. Gubun kee qayxiixa tadlume.

Ermiyaas 51:34

Yarusalaam mari iyyeemih, «Baabelon malik nee bayseh saabo nee cabsiise. Magaala suge wayteh innah hee. Nee bayseh, Yarusalaam lee akak fuuqen gacla abe. Gawi sinam elle yanxuqe innal, sinam nee tunxuqe. Isih faxem nek beeh, wohuk raqtem baaxot nek qide.

Ermiyaas 50:27

Qaskar keenik sela. Saqi innah ken usguuda. Baabelon mari bayele. Keenit digaala edde takku wayta wakti yemeeteh» iyye.

Ermiyaas 7:6

sin addal yan allî-marat xukkute wayteeniih, qayxiixa kee gubun adlume wayteeniih, elle tanin baaxol masaakiinâ-qabala caxe wayteeniih, xeet kee cooxuk bicsen duyyeh-qibaaday baati siinih xaltu waytahiyyak raqteenik,

Ermiyaas 6:6

YALLAY Nabaamak Nabahiyya a malikwa amriseeh; Malikwak, «Coox irgiqay Yarusalaam-magaalat maroh tan gaso taggileeni'gidih, too gasot xakabuh coox kee xeet tittin bagul haa. A magaalah addal sinaamat mango xukko tekkeeh, tohuk gexxaamah tet digaaleyyo» iyye.

Yasaqya 58:6

«Anu faxa soom siinih warisu waa. Qadaalat-sinni-silsilatay sahda edde tabbixeeni kee sahdak fillal tabbixen koyta sahdâ-fillak kalay edde xukkutan mari currih yanay inxica.

Yasaqya 5:8

Dumaak luk sugen qarwat ossotinah osisaana'gidih, gersi qarwa kee baqurê-baaxo xaamita maraw, woyyow, siinit takku waytaamow! Sinaamah dabaaqah elle gacan arac macabinnitoonuuy, baaxol isinnih dibuk haysiten.

1 Malikwa 16:24

sarrak Samar deqsitak yen numuk lica alfih garsih kooma xaame. Woo koomat maro heeh sarrak tokkel magaala xise. Too magaalak migaaqah Samaariya iyyeeh; elle muggaaqisem, kooma akak xaame numuy Samar deqsitak yenehiyyak ten.

Ermiyaas 50:11

YALLI kaadu iyyemii, «Baabelon maraw, yi mara wararteeniih; toh siinit temqeh. Ruffu edde inten. Qaysok cayya iyyeh xobbaaqa gaalih innah xobbaqten. Canak cayye mooyuh innah kaqitten.

Yacedkel 18:12

masaakiina yudlumeeh, sahda buubeeh, abuuduh tu kaak bee num damaanatah kaal cabem gacse weeh, gabat bicsen duyyey Yalla 'yeenih yaqbudeenihiyyah qibaadah heen arooca gexeeh, duyye yuqbudeeh,

Qaamus 6:6

Qinabak bicsen kamri kobbaayatal mataaqubaanay buxux le kaxxa sacanil taaquben. Sukutik meqe sukutit isinni taskuten. Takkay immay Israayil ummat edde tan biyak siinih mayambullaay, akah mabiyaakittan. Tamahak gexxaamah, siinit takku waytam umaamaay abletton!

Yasaqya 28:1

Efrayimih yooboke maraw, kamri taaqube sakaareenow, able liton; woyyow axcetton. Amo elle miqiton magaala, qobooruk bicisen kalabtaay; elle kaxxiinittaanam teeti. Woyyow, teetit takku waytaamow! Niqmatak tan kayrih tan golok daga raqta magaala siinik birroh innah laqaymuumele. Qaxa liton bilqa litoonuh immay bayettoonum digga le.

Yasaqya 56:12

Iyyaanamah, «Ama qinabak bicsen kamri neh baahaay, dudnah gide akak naaqubay. Beeri kaadu a saakih innah maacise kee ayse akkelek» iyyan.

Yacedkel 34:16

«Baatem innih gorriseyyo; buxak baditit tanim innih gacseyyo. Muddumtem innih dayliseyyo; lakmissam innih qaffoyseyyo. Takkay immay gabul leeh qande lem bayseyyo. Macaay inteenik, anu qadlih aninnaanim aba loyna kinniyo.

Qaamus 3:1

Nabi Qaamus iyyeemih, «Israayil ummattay YALLI Masrik yeyyeeqehiyyaw, siinit takku waytaamay YALLI naharal garci siinih akak kalahiyya ankacisa.

Qaamus 3:3

Qaamus qagseh keenik iyyemii, «Safar titta lih abam faxa mari gexo edde aban uddur naharak titta lih aaxige'kal safraanam bictaa? Mabicta.