Qaamus 3:11 - NABUWWA KEE MALIKWA

¹¹ Too umaane kee baatiliy oson abaanahiyyak gexxaamah, qaduwwi baaxo keenik marot heeleeh, naqboyti culaamak magaaloolit maroh sugte gasoosa butukka keenik heeh qarwa keenik buubele. Tah intam yooy YALLAY Mulki le kinni.

Qaamus 3:11 Referans Kwoze

Qaamus 6:14

Takkay immay YALLAY Nabaamak Naba Dagelta kinnihiyya isih iyyamaa, ‹Israayil ummatey, baaxo qeebit siinik yabbixeeni'gidih, marin marak qaduwwi siinit ruubeyyo. Too qaduwwi, Camat deqsita daabay gitah gacaanahiyyak xabba haanamaay Qarabâ-dora deqsitta'kkeh amma 'yaanam fan, baaxo xabba siinik heenih siinit xukkutelon› iyya» 'yaanam iyye.

Qaamus 2:5

Tonna-leemiik Yuudâ-baaxot gira ruubeyyo. Yarusalaamal tan megdebitte carariseyyo» 'yaanam iyya.

Qaamus 6:8

Qaamus kaadu iyyemii, «YALLAY Mulki leh Nabaamak Naba Dagelta kinnihiyya isi migaaqal xiibiteeh iyyemii, ‹Israayil mari abah yan kaxxiina nabam inqibeh an. Oson dabaaqah edde yanin kaxxa qarwa ablem sakkih yol tan. A saaku dabaaqah elle yanin inaytah tan magaala kee tet addal enna 'tam inkih, naqboytit gabal keenik heeyyo› 'yaanam iyye» keenik iyye.

Qaamus 3:15

Cagayak-cagay elle gacan qarwa kee, gilalak-gilal addal akak dabaaqah gacan qarwa keenik bututtukka heeyyo. Dakani moddiinit bilqisen qarwak tu maraqtay, bututtukka axcele. Mango qarwa addigilleleeh, suge wayteh innah gacele» 'yaanam YALLI iyya.

Qaamus 3:10

YALLI iyyamaa, «Numma akak inxicca 'yaanamak, isinni yeyxeere mara kinnon. Marin im dulmi kee qandet beyaanaah isinnih haysitan. Edde yaddereenim, marin imi.

2 Aydaad 36:19

Magaalat maroh sugte gasoosa bututtukka hee. Magaalaay, Yallih Qibaadah Qariiy, magaalal suge doolat-buxaaxi kee addal akak sugte duyye cararise.

2 Malikwa 15:29

Fekac malikih suge dabaanal, Assuuriyah malikiy migaaqah Tiglat-Fileeser deqsitahiyya Qiyon kee Aabil-Beet-Maqka kee Yanowac kee Kedes kee Caxor deqsitta magaalooli kee, tonnah kaadu, Gilqad kee Galiil kee Naftaali marih baaxo Israayilik raaqiseh. Woo baaxol suge mara Assuuriya fan seewah bee.

2 Malikwa 15:19

Migaaqah Tiglat-Fileeser deqsita numuy Assuuriyak malikih yenehiyya Israayil rasu warare. Manacem soddom kee affara alfih kiilo lakqok kaah yecee. Too lakqo kaah akah yeceem, woo malik cato kaah yakke'gidiiy, tonnah kaadu, kay abbootan diggoowaah, nagay cayla baaha'gidik ten.