Qaamus 1:8 - NABUWWA KEE MALIKWA

⁸ Asdood kee Askalon deqsitta namma magaalal abbobtih yan mara qideyyo. Ekron magaalah maral gaba qideyyooh ken digaaleyyo. *Filistiin marak raqqa 'tem inkih bayele› Tah intam YALLAY Mulki lehiyya» 'yaanam iyye.

Qaamus 1:8 Referans Kwoze

Yacedkel 25:16

Tonna-leemiik Filistiin marat qeebi abeyyooh ken bayseyyo. Filistiin booxal raqqa iyyu waa mara suge weeh innah heeyyo.

Zakariyya 9:6

Mango kabuk yemeete mari Asdood deqsitta magaalal dabaaqah titta lih gacelon. *Filistiinih yooboke maray kaxxa kaxxiina lehiyya qawratak qideyyo.

Yasaqya 20:1

Assuuriyah malikih yan Sargon yecee amril, Assuuriyah qaskar abbah yen num Filistiin magaalay Asdood deqsittahiyya yibbixe.

2 Aydaad 26:6

Quddiyya Filistiin marih gaaduh ugteeh, Gat kee Yabne kee Asdood akak iyyan magaalooli yiggileh. Asdood xaqu kee raqqa 'te Filistiin rasul magaalooliy gasoosa maroh edde tanihiyya xise.

Zakariyya 13:7

YALLAY Nabaamak Nabahiyya iyyeemih, «Seefow, ama illi loynay yoh taamitahiyyat rad. Seefow, kaa qid; illi fixixele. Qunxa illit qeebi abeyyo.

Qaamus 3:9

Qaamus qagseh, «Asdood magaalal tan kaxxa qarwah adda kee Masri rasul tan kaxxa qarwah addal yan marak, ‹Samaariyah xaqul yan qaleelal gaaboowa. Wokkel tan amaan-sinna kee ummat abta umaane wagita› inxicay awadah keenih warisa» iyye.

Yasaqya 1:25

Amah siinit macabaay, liton nadaasak sin kaqliseyyo. Saabunut kaqlisen saroh innah nadaafatah sin heeyyo.

Ermiyaas 47:1

Masri-malik, Gaada deqsitta magaala yabbixeemik duma, YALLI *Filistiin marih giddinaamak nabi Ermiyaasal qangara oobise.

Ayyuqel 3:4

YALLI kaadu iyyeemih, «Suur kee Sayda kee *Filistiin maraw, maca yok abtaanam faxxan? Siinil baaheemih caneh yol gacissaanam faxxaanam maay liton? Faxxeenik, yi mogoy tammoysetton.

Qaamus 1:7

Tohuk gexxaamah Gaadâ-magaalat maroh tan gasoosat gira ruubeyyo. Too magaalah addal tan megdebittet gira ruubeyyo.

Qobadya 1:18

Yuuda kee Israayilih yooboke mari girah innah sahda cararisele. Qiisok rade mara, caffat gexxe girah innal, carariselon. Qiisok rade marak num maraaqa. Tahat yabtam yoo YALLA» iyye.

Zakariyya 9:5

Askalon magaalah mari taham yabalu waa waqdi, cunxo keenit heele. Gaadâ-magaalah mari aham yabalu waa waqdi, kaadu cunxok gexxaamah araadaqiselon. Ekron magaalah mari luk sugen niya luk maraaqaanaay meysitelon. Gaadâ-magaalah malik rabele; Askalon magaala abur akkele.

1 Samuwel 6:17

Filistiin mari a koona dahabay laahi-baxxi-ceelok bicseenihiyya akah ruubeenim, Asdood kee Gat kee Askalon kee Gaada kee Ekron deqsitta magaaloolih mari abe dambik qafu geyaana'gidik ten.