Qaamus 1:1 - NABUWWA KEE MALIKWA

¹ Ah Qaamus maxco. Qaamus Takooqa deqsitta magaalal yan saqi marih fanat suge numu. Yalli, Israayilih takku waytam elle warse wacyi kaal oobisem, woo baaxol baaxoh angoyyi yakkeemik naharat namma sanatak ten. Too dabaanal Quddiyya Yuudâ-rasul malikih sugeeh; Israayil rasul kaadu Yahoqás-Yarobqam malikih suge.

Qaamus 1:1 Referans Kwoze

Zakariyya 14:5

Too ayro isin, ta daqaaray namma qalek fan gexak Aaxal deqsita arac gufahiyyak addah gacca 'teenih asillimetton. Sin kaxxa abbobti malik Quddiyya deqsita num Yuudâ-rasul malikih yen saakuy baaxo tengeyyehiyya elle tisillime innal asillimetton. Too waqdi YALLAY yi Dagelta kinni isi malaykoota inkih gabat luk akke fanah amaatele.

Qaamus 7:14

Too waqdi Qaamus kaak iyyemii, «Anu lac kee subla dacrisa num kinniyo. Nabi hinniyooy, nabuwwal yimixxige marih num hinniyo.

Ermiyaas 6:1

Benyam maraw, isillimaay amaan elle yan ikke gexa! Yarusalaam magaala cabay gexa. Kilbat le kabuk umaane temeeteeh; baati xayyowtek! Takooqâ-magaalal yan maraw, *baanta ugura. Asta siinih takke'gidih, Beet-Hakkarem deqsita aracal gira urusa.

2 Aydaad 20:20

Nammeyhaytô-saaku dibroh ugutta 'yeenih, Takooqa deqsitta magaala elle tan bacarih tan baaxo fan gexoh ugten. Gexo qimbisen waqdi, Malik Yacoosafat ken lih yaabeeh keenik iyyeemih, «Yuuda kee Yarusalaam magaalah ummatey, siinik axceemihii, YALLAY sin Dagelta kinnihiyyal kibalsita. Tonnal maqar baahetton. Away kay nabuwwa sin lih edde yabte yab eemenaay, tonnal nasri geetton» keenik iyye.

2 Aydaad 11:6

Gaso maroh edde heemii, Beetlacam kee Qetam kee Takooqa kee

1 Malikwa 19:19

Tohuk lakal Eliyyas gexeeh, sarrak Eliisaq namma awuruy *madmad edde yanihiyyat abquruk kaah suge. Kaa'lih kaadu *madmadat tittat yoxeen awurwak labaatanna kee namma awuruy nammay nammayah axawah tittat yanihiyyat baaxo yabqure mari yen. Usukuuy salafat keenik tan namma awurut abquruk yen. Sarra Eliyyas saro isik kalla heeh Eliisaqal hee.

2 Samuwel 14:2

kaxxam bagi cubbi le barray dabqah Takooqa deqsitta magaalal tenehiyya kaa fan ruube. Woo barrak iyyemii, «Dawud fan gex. Gexxa way rookat sugte barra ceelay, qatri mahaysitinay, mango udduruh rookitak sugte barra ceelay kaal gex. Sarrak kaa fan tamaate waqdi, anu taway kok elle inxicca axce'nnal kaak axcetto» teetik iyyeeh, intu waytam warissa teetih heeh tet ruube.

Ermiyaas 1:1

A kitaabal tanim, Benyam rasuk Qanatot deqsitta magaalal dabqah yen Ermiyaas edde yaabe yaaba. Ermiyaas-abba sek Cilkiyya deqsita numuk ten. Too num dabqah elle yenem kaadu, seeka elle sugte Qanatot magaalak ten.

Yasaqya 1:1

A kitaabal tanim, Yuudâ-rasu kee Yarusalaam magaalal tan ummattah Yalli, Amóx-Yasaqya le kabuk ruube wacyi. Yalli a farmo ruubem, Quddiyya kee Yootamaay, Acad kee Ciskiyyaahu deqsita mari malikwah suge dabaana.

2 Malikwa 14:23

Yooqás-Amaxya Yuudâ-malik edde yekke taban kee konoyhaytô liggidat, Yahoqas-baxi-Yarobqam Israayil rasuk Samaariyah magaalal Israayil-malik yekke. Usuk morootom kee inki liggida malikih suge.

Miika 1:1

Yootam deqsita malikiiy Acad deqsita malik kee Ciskiyyaahu deqsita malik Yuudâ-rasul itta kataatak dardaaren saaku, YALLI Miika deqsita nabiy dabqih Moreset deqsitta magaalal yenehiyyal farmo ruube. YALLI too farmol Samaariya kee Yarusalaamat takku waytam kaa yuybullee.

Hosiqa 1:1

Quddiyya kee Yootam kee Acad kee Ciskiyyaahu Yuudâ-rasul malikwah sugteeh, Israayil rasul kaadu Yahoqás-Yarobqam malikih suge dabaanal, YALLI Beqeerí-Hosiqal farmo ruube. Ruube farmo ah teeti.

2 Malikwa 14:21

Tohuk lakal Yuudâ-mari kay baxay migaaqah Quddiyya deqsitak yeneeh karmak taban kee leceeyit yenehiyya malikih heen.

Ermiyaas 7:27

Sarra yok iyyeemih, «Atu taway anu kok axcem keenih waris. Takkay immay kok mankacisaanaay; uduura keenik intaamah kok mayaabban.

Ermiyaas 28:8

Koo kee yok dumal sugte nabuwwa carbiiy qulul kee bala mango baaxo kee doolatwal oobelem naharat warisak sugte.