Nacmiya 9:30 - NABUWWA KEE MALIKWA

³⁰ Mango sanootal litoh tan sabrih keenil tisbireeh, nabuwwat hayte isi Roocaaniyyah kabuk garci keenih kalak sugte immay, ku ummatta, tohuh, ayti maleelah innah aabbe waytam celte. Too waqdi ken naqboytiitih gabat radoonay ken inte.

Nacmiya 9:30 Referans Kwoze

Yasaqya 42:24

Israayil-mara seewah sinam gabal haytem iyya? Israayil-mara ken buubu waa marih gabal haytem iyyaay? Taham inkih YALLI keenik abeemi. Dambi lem YALLAL bahneeh; tohuk gexxaamah tamah nel baahe. Yallih gita katayaanam cineeniih, kay amri yaabbeenim cineenih.

Zakariyya 7:13

Anu ken lih yaabe waqdi, yoo aabbe cineenimih sabbatah, ken dooqa moggoliyyo. Tah intam yoo YALLAY Nabaamak Nabahiyya.

Ermiyaas 25:4

YALLI mango adda isi nabuwwa sin adda ruube'mmay, iyyaanam keenik mankacisinnitoonuuy ken farmot baaqid mahanniton.

Yasaqya 63:10

Keenih tu gactek, kay yab cineeniih kay Roocaaniyyay *kudduusuk tanihiyya qaadiseenih. Tonna leemiik YALLI naqboyta keenik yekkeeh, isih qeebi keenit abe.

Nacmiya 9:29

Atu aba intam abe weenik, keenit takku waytaamih garci keenih kalteh. Ku xinto kataata mari isinni rooci wadele'mmay, too mari, ku xintok sah giti ane waam aabbih, kaxxiinitak ku xinto cineenih, keenih warisah darre kot caben.

Nacmiya 9:26

«Tohuh, ku mari ku yab cineeh, koo cineh. Atu aba keenik inteemit darre caben. ‹Aham maabina, meqem hinnak› keenik inte nabuwwa qideenih. Too nabuwwa toh keenik akah intem, oson kol yaduureeni'gidi. Koo ceele sinni migaq koh aben.

Ermiyaas 44:22

A saaku sin baaxo abuuruh raqteeh num teetil mayanam matablaanaa? A saaku tet yable mari akak nadaamitah inna le. Titta abaara mari, ‹Woo magaaloolit tekkem siinit takkay› iyyaanaah, abaaroh tet haysiten. Toh akah tekkem maca siinit celtaah? Isin abak sugten makri kee uma-taamay YALLI xiqe waahiyya, tohuh, siinit tekkem ixiga.

Ermiyaas 7:25

Sin kaxxa abbobti Masrik eyyeqqa hee ayro akke fanah, nabuwway inni naqoosah liyo mango adda sin fan ruubak suge.

Nacmiya 9:20

Litoh tan maqaaneh, abeh meqem keenih warisse. Yakmoonuh manna deqsitta maaqo qaraanak keenih oobisse. Yaaquboonuh lee keenih tecee.

Yasaqya 28:10

«Usuk uma'nnal nee barsah yan. ‹Wonnah abaay annah aba› iyya. ‹Naharsi amril gersi amri osisa; Away tu-aba, sarra tu edde osa› 'yaanam urri innah nee barsah yan» 'yaanam axcuk wayto yok yaceen.

Yasaqya 48:9

«Inni migaaqih taagah bagcarrak inni xabba heeyyo. Sinam yi migaq faylissa'gidih, mabagcarritaay sin mabaysa.

Zakariyya 7:12

Afqado keenik gibdah, xaa tekke. Oson anu ruube nabuwway yi Roocaaniyya cato leeh, yi xinto barissahiyyah yab cineeniih; tohih sabbatah ken inqibeh suge.

2 Malikwa 18:11

Assuuriyah-malik Israayil-mara Assuuriya fan seewah bee. Sarrak keenik tu takkem Calac magaalal nookiseeh, gersi mara keenik Cabor weeqaytih garil Goodan deqsita rakaakayal nookise. Wohuk raqtem kaadu Meediya deqsita marih-magaaloolil nookise.

2 Malikwa 21:10

YALLI, nabuwway kay taamat tanih kabuuk keenik iyyemii,

2 Aydaad 24:19

YALLI, uma gitak ken waasaana'gidiy kay fan ken gacsaana'gidih, nabuwwa keenil ruube'mmay, ummatah tu gactek, ken yab aabbe cineenih.

Qedra 9:10

«Hay, taway tekkeemik maca innuu, ni Dageltaw? Duma ku naqoosah ten ku nabuwwah gabat neh rubte amri cinneh. A saaku kaadu ku amri cinaanamat qaginneh. Too nabuwwa, ‹Ama dabaaqah elle gactoonu waytan baaxo, tet addal yan marih sabbatah, nadaasa tekke› 'yaanam nek iyyeenih yenen. ‹Ta mari ama rasuk woo exxaay a exxa umâ-yabulih tan taamat baysen› 'yaanam iyyeenih yenen.

Ermiyaas 44:4

Fiiruk geerah inni nabuwway yoo takdumehiyya ken fanah ruubeeh; too nabuwwa, Taham Yalli niqba taama'mmay maabina, 'yaanam axcuk keenih warisak sugte.

Ermiyaas 44:5

Takkay immay too farmoh ayti acayuk masuginnoonuy, baaqid yok edde mahannon. Isinni uma taamak akah maadayinnoonuuy; coox kee xeetik bicsen duyyeh sadgat abaanamak maadayinnon.

Daaniyel 9:6

Ku migaaqal yabte nabuwway ku naqoosah tanihiyya, ni malikwaay ni miracwa kee ni kaxxa abbobtiiy ni ummattah inkih warissem cinneh.