Nacmiya 9:24 - NABUWWA KEE MALIKWA

²⁴ Kanqaan baaxol suge marak qeebil ken tiysiiseh. Wokkel suge mara isi marih milkih hayte. Kanqaan malik kee kay marak isinnih faxeenim abitaana'gidih, ken gabal ken hayte.

Nacmiya 9:24 Referans Kwoze

Yoosuwa 21:43

YALLI, Israayil ummat akak radde ken kaxxa abbobtik, «Siinih aceeyyo» iyyeh kaxxa xagana akah cule baaxo, oson rabeenik sarra keenik rade marah yecee. Israayil ummat too baaxo tibbixe saaku teetil nooken.

Yoosuwa 18:1

Baaxo qeebit yibbixeenik lakal, inkih tan Israayil ummat Siilo deqsitta magaalal gaaboowen. Tokkel Yallih Nabnah-Siraq soolisen.

Yoosuwa 11:23

Tonnal YALLI Muusa akah amrise innal, Yoosuwa woo baaxo yibbixeh. Yoosuwa woo baaxo Israayil marah ikoytah yeceeh; kulli kedohuuy exxa-exxah keenih kure. Kulli kedoh ken gufa ken xexxar keenih yecee. Too ayrok wadir ummatta carbik toffoofeh raqte.

1 Aydaad 22:18

Too makaabonuk iyyeemih, «YALLAY sin Dagelta kinni aham fanah sin lih yaniih, kulli kabuk inkih amaanah sin yabbixe. A baaxol suggu 'ye marak yoo yiysiiseeh; too mari ta saaku YALLA kee sin gubat yan.

Yoosuwa 21:45

YALLI Israayil marah abeyyo axcuk xagana akah culeemik tu keenil mamakinnay, inkih keenih duuduse.

Makaabon 4:23

Too saaku Yalli Israayil-mara Kanqaan-malikih yen Yaabinik yiysiiseh.

Yoosuwa 10:40

Yoosuwa too baaxooxah marak inkih yeyseh. Woo qaleelah tan baaxoh malikwak yeyseeh; ayrô-mawqa le kabut raqta qalê-ragidit tan baaxooxa kee, tonnah kaadu, ayrô-culmat raqta mango koomaami le baaxooy, tonnah kaadu, woo bacarih tan baaxoy gabbi le qaxat raqtahiyyal suggu 'ye marak inkih yeyse. Too baaxooxal suggu 'ye marak num macabinnay ufuy elle haytam inkih qide. Tah amrissem, YALLAY Israayil doore Dageltah yanihiyya.

Yoosuwa 12:12

Qeglon deqsitta magaalal yen malikiiy Geser deqsitta magaalal yen malikiiy

Yoosuwa 12:24

Tirxa deqsitta magaalal yen malik akkuk yenen. Tittat soddom kee inki malik akkuk yenen.

Aster 9:5

Tonna leemiik Yahuud-mari duma naqboytiitih keenik suge marak isinnih faxxa haanam aben. Seefit ken yusguuden.