Nacmiya 8:7 - NABUWWA KEE MALIKWA

⁷ Tohuk lakal solla 'yeeniih soolol elle yeeden. Sarra Leewih yooboke mari xinto elle tani'nna keenih warse. Keenih warissem, Yaasuwa kee Baani kee Sereebiya kee Yaamin kee Qakkub kee Sabbatay kee Hoodiya kee Maqseyaahu kee Kaliita kee Qadarya kee Yoodabad kee Canaan kee Felaaya deqsita numuk ten.

Nacmiya 8:7 Referans Kwoze

Nacmiya 9:4

Leewih yooboke mari mawqeenah amol soolak yen. Tokkeh amol Yaasuwa kee Baani kee Kadmiyal kee Sabanya kee Bunni kee Sereebiya kee Baani kee Kanaani deqsita mari anay fayya haak YALLAY ken Dagelta kinnihiyyah kallacen.

Nacmiya 3:23

Benyam kee Cassub kaadu wohul katayta exxay ken buxat foocah raqtahiyya bicsen. Maqseyaahû-Qadarya deqsita numuy Qananya deqsita numuk baxi baxah yenehiyya, wokkeek elle yamaaten exxay kay buxak foocat raqtahiyya bicse.

Malaaki 2:7

Nummâ-gita ummat barsaanam, seekal tan taama. Seeka yoo YALLAY Nabaamak Nabah yanihiyyah fayxi ummat barsaana'gidih, ummat keenil gexxam faxxinta. Seeka yi farmoytiitiy yi farmo ummatah warissa kinnon.

Nacmiya 12:33

Too mara lih *baanta aagaruk gexxem, sek Qadarya kee sek Qedra kee sek Masullam kee sek Yuuda kee sek Benyam kee sek Semaqya kee sek Ermiyaas deqsita seekik ten. Too seekah lakal kaadu Yonaatán-Zakariyyak ten. Zakariyya-kaxxa abba Samaqya deqsita numuk ten. Zakariyya akak radem, Mattanya kee Miikayhu kee Dakkur deqsita numuk ten. Ta mari Asaf deqsita gulubuh gacisak yenen.

Nacmiya 11:19

Yallih Qibaadah-Qarit dacayrih yen marak kaadu Yarusalaamal dabaaqah gactem, Qakkub kee Talmon kee keenik ramadah yen maraay; mangah tittat bool kee malcina-taban kee namma num akkuk yenen.

Nacmiya 10:2

Seekak kaadu firma haytem: Seraaya kee Qadariyya kee Ermiyaas kee Fascur kee Amarya kee Malkiya kee Cattus kee Sebanya kee Malluk kee Caarim kee Mareemot kee Qobadya kee Daaniyel kee Ginnaton kee Baaruk kee Masullam kee Abiyya kee Miyyamin kee Maqadya kee Bilgay kee Samaqya deqsita seekik ten.

Nacmiya 8:4

Too ayro aben gaabownal, Qedra too kitab keenih elle yikriyem, bocok bicsen fayya 'ya aracih amok ten. Usuk too kitab keenih yikriye waqdi migdi kabut kaak sugtem, Mattitya kee Samaq kee Qanaaya kee Uriyya kee Cilkiyya kee Maqseyaahu deqsita numuk ten. Guri kabuk kaak tenem, Fadaaya kee Misaayel kee Malkiya kee Casum kee Casbaddana kee Zakariyya kee Masullam deqsita numuk ten.

Nacmiya 3:19

Yaasuwá-Qeder deqsita numuy Mixfa magaalak abbah yenehiyya silac qari elle yawqen gitat foocah raqta exxa xise. Toh, daaba le arac kinni.

Nacmiya 3:17

Leewih yooboke mari kaadu gasoosak wohuk raqte exxaaxih bicsat gacen. Baaní-Racum exxak teena bicse. Casaabiya deqsita numuy Kaqiila deqsita rakaakayak garabak abbah yenehiyya tokkel, buxah yen marih afak, katayta exxa bicse.

Qedra 8:18

Yalla kinni ni Dagelti nee cateemih taagah, Sereebiya deqsita numuy Leewî kedok Macli deqsita gulubuh gacisak yeneeh, isi taamal dudda luk yenehiyya, xaylo kee tooboko fanal sittat taban kee bacra num akkuk ruuben.

2 Aydaad 30:22

Ciskiyyaahu, Leewî-mari YALLIH qibaadah taama elle aban innah ixxiga loonum keenik yuble waqdi, wohul ken fayliseh. Malcina ayroh gide amaanah xiinaanamih astah qidan sadgat abakaay YALLA faylisak sugeenik sarra,

2 Aydaad 35:3

Tonnah kaadu, Leewih yooboke maray YALLIH garil taahirik yan mara kinniih Israayil ummat Yallih diini barisak yenehiyyah a taama elle aban inna warse. Keenik iyyeemih, «Yallih Qahdih Sandug, Suleeman xise Yallih Qibaadah-Qarih addal haa. Tahak wadir a sandug aracaak arac quukah mabena. Takkay immay, YALLAY sin Dageltah yani kee Israayil ummatay kay marah kinnihiyya ukduma.

Nacmiya 8:6

Too waqdi Qedra iyyeemih, «YALLAY Naba Dagelta kinnihiyya fayla taafay» iyye. Tokkel suge mari inkih, usuk toh iyye waqdi, gaba qaran fan fayya haak, «Aamiin, Aamiin» iyyen. Sarrak inkih YALLA yassakaxxeeni'gidih, gommoh raden.

Nacmiya 8:8

Yallih Xintoh Kitaabal tanim nagay kawseeniih; ummattah Yallih xinto intaamak maqna nagay warsen.

Nacmiya 8:12

Too waqdi suggu 'ye mari inkih yakkeemiik buxah yuduureeh; kitaabal taniimit radeenimih sabbatah, walamwallitak maaqo yokmeeniih yooqobeenih, luk sugeenim tu aalle waa marah yeceen.

1 Malikwa 8:14

Sarrak inkih tan Israayil ummatay soltahiyya fan ufkunna 'yeh, dooqa keenih abe.

Nacmiya 9:3

Inkih tan ayrok rubqi gide fanah, inki aracal sollu 'yeenih YALLAY ken Dagelta kinnihiyya ruube kitaabal tanim keenih yikriyen. Tonnah kaadu, inkih tan ayrok rubqi gide takkem, abeenih yenen dambih tooba kee YALLAY ken Dagelta kinnihiyyah qibaadat sugen.