Nacmiya 8:6 - NABUWWA KEE MALIKWA

⁶ Too waqdi Qedra iyyeemih, «YALLAY Naba Dagelta kinnihiyya fayla taafay» iyye. Tokkel suge mari inkih, usuk toh iyye waqdi, gaba qaran fan fayya haak, «Aamiin, Aamiin» iyyen. Sarrak inkih YALLA yassakaxxeeni'gidih, gommoh raden.

Nacmiya 8:6 Referans Kwoze

2 Aydaad 20:18

Toh yoobbe waqdi, Yacoosafat Yallih assakaxxah qansa kaak baaxo xagtam fanah qununna 'yeeh; gaabooweh suge mari kaadu usuk abba heem aben. Tokkel suggu 'ye mari gommoh radeeh YALLA yuqbude.

Nacmiya 5:13

Sarrak bagul tikiyah luk suge saro ifdigga heeh gabah urguffa tet hee. «Ta saaku oggolteenim sarra siinik cina num Yalli tannah haay. Yalli, ta xiiba makteenik, liton qarwa kee edderra hayteenimik inkih foyyah sin cabele» keenik exce. Wokkel suggu 'ye mari inkih, «Aamiin! Takkay!» iyyen. Sarra YALLA faylisen. Sarrak too xiiba mamakinnon.

1 Aydaad 29:20

Too yaabak gaba kale waqdi ummatak, «YALLAY sin Dagelta kinni faylisa» iyye. Too waqdi suggu 'ye mari, YALLAY oson akak raden ken kaxxa abbobti doorehiyya fayliseenih. Qununna 'yeenih, baaxol gommoh radeenih, YALLA yessekexxeeniih; isinni malik kaadu yessekexxen.

Ermiyaas 28:6

«Aamiin! YALLI toh neh abay! YALLI ku afih innal neh abay! Atu akah inta'nnah, Qibaadâ-Qarik Baabelon dannabah been duyye kee seewah orbisen mara neh gacsaanam, ku afih innal, neh abay.

2 Aydaad 29:30

Malik kee baaxoh abbobti, Leewî marak, «Malik Dawud kee nabi Asaf tuktube YALLIH saare aba» iyyen. Too mari inkih gulubuh gacca 'yeh ruffa axcuk too saare abeeniih, YALLA yuqbuden.

2 Aydaad 6:4

Tohuk lakal iyyeemih, «YALLAY Israayil doore Dagelta kinnihiyya fayla taafay. YALLI isi gabat yi abbah abe xagna duuduse. Yalli dumah yan saaku yi abbak iyyeemih,

1 Aydaad 16:36

YALLAY Israayil doore Dagelta kinnihiyya faylisa. Away kaa faylisa; daayiman kaa saarisa. Too saarek gaba kalla heen waqdi, sugga inte ummatta «Aamiin, aamiin! YALLA fayla taafay!» axcuk yukkuqeenih.

Nacmiya 8:7

Tohuk lakal solla 'yeeniih soolol elle yeeden. Sarra Leewih yooboke mari xinto elle tani'nna keenih warse. Keenih warissem, Yaasuwa kee Baani kee Sereebiya kee Yaamin kee Qakkub kee Sabbatay kee Hoodiya kee Maqseyaahu kee Kaliita kee Qadarya kee Yoodabad kee Canaan kee Felaaya deqsita numuk ten.

1 Aydaad 29:10

Tokkel inkih tan ummat elle gaabowte aracal Malik Dawud YALLA faylise. YALLIH faylah iyyeemih, «YALLAW, nanu akak radne Israayil doore Dageltaw, ku migaq kulli way fayla le.

2 Aydaad 29:10

«Anu taway YALLAY Israayil doore Dagelta kinnihiyya net bagcarrite waa'gidih, bica kaa'lih abam faxa.