Nacmiya 8:17 - NABUWWA KEE MALIKWA

¹⁷ Seewah ken elle beenih sugen baaxok yuduure mari inkih daboyta xissite. Tannah tanim Nuun-Yoosuwa yen dabaanak wadir ummatta abteh masuginnaay, too saaku ummatta kaxxam ruffu 'teh asse.

Nacmiya 8:17 Referans Kwoze

2 Aydaad 8:13

Yalli-Muusal-oobise-xinto elle inta'nnal, Suleeman kulli sabti qiidih ayro kee, kulli alsih biloh akah asan qiid kee, tonnah kaadu, sanatal inki adda akah asan Kamiir-Sinni-Gaqamboh-Qiid kee, Daro-edde-Orbisan-Ayroh Qiid kee, Iraawô-Dabih-Qiid yamaate saaku, cado akak cararisan sadgat abak yen.

Qedra 3:4

Kitab elle iyya'nnal Iraawô-Dabih-Qiid deqsita qiid abeeniih, too qiidih kulli ayro lacak faxxintah gide sadgatah qiden.

2 Aydaad 35:18

Nabi Samuwel ayrok wadir, a xaqan le Elle-Tatriyyi-Qiidih asen ayro masuginna. Malik Yoosiyaahuu, too saaku seeka kee Leewih yooboke maraay Yuuda kee Israayil-rasuk yemeete mara kee Yarusalaam magaalah mara luk, qiid elle abe innal, kaak duma sugte malikwa inkinnah abteh masuginna.

2 Aydaad 30:26

Yarusalaam magaalah mari Dawud baxah yen Suleeman dabaanaak wadiril, annah tanim yubleh masuginnaay; tonna-leemiik kaxxam ruffa iyyen.

1 Aydaad 29:22

Tohuk gexxaamah, uqubba heeniih, maaqo akamuk, farcatat YALLIH qiidih asen. Dawud baxa Suleeman nammeyhaak malik aben. Too saaku YALLIH migaq edde xagak, malik yakke'gidih kaa yuskuteeniih isinni malik kaa aben. Kaxxa-seekih kaadu Saaduk yuskuten.

Yoosuwa 1:1

YALLIH-naqasuh yen Muusa rabek lakal, *YALLI, Muusa catoh luk yen Nuun-Yoosuwa lih yaabe.