Biblia Todo Logo
Bib sou entènèt

- Piblisite -




Nacmiya 8:16 - NABUWWA KEE MALIKWA

16 Too waqdi ummatta gexxeeh, too luud bahte. Sarrak qarwak amol booxah tan arooca kee, buxah addah daarat kee Yallih Qibaadah-Qarih daarat kee, Leeh Afa kee Efrayim Afa deqsitta culmak foocal booxah tan aroocal daboyta xisen.

Gade chapit la Kopi




Nacmiya 8:16
12 Referans Kwoze  

Tokkeek Efrayim-Afa deqsitta afa kee Yasaanah Afa deqsitta afaay, Kullum-Afa deqsitta afaay, sahda akak yabloonuh xisen Cananal-Qari deqsitta qari kee, sahda akak yabloonuh xisen Bool-Qari deqsita qaril taturra inneh, Illi Afa deqsitta afah nemeete. Ta gexoy rooruh gacca 'yeenih abak sugeenihiyyak, Dacayrih Marih Afa gufen waqdi yeeden.


Israayil malikih yen Yahoqas, Amaxya yibbixe. Tohuk lakal Yarusalaam fan gexxi 'yeeh, Yarusalaam magaalat maroh tan gasok Efrayim-Afak xabba haanamaay Rukni-Afa deqsita aracah amma 'yaanam tan gaso bututtukka hee. Too arac xexxaarah namma boolih gide mitrik akkuk yen.


Raceynah Afa deqsitta afa gufen waqdi, Dawud-Magaala deqsita caafatih mawqeenal yewqen. Sarra, Dawud-xise qarik taturra 'yeenih, magaalak ayrô-mawqa le kabut raqta afay Leeh-Afa deqsitahiyyah xaqul yeeden.


gira teetit ruubelon. Yarusalaam magaalal yan mari Baqal akak iyyaanam aqbuduk sugen. Tohumuy yaqbudeenihiyyah qibaadah, isinni qarwah amol qaydarus qeerisak sugen. Yallah lon duyyeeyah kaadu qibaada abak sugeeniih, too qibaadah sadgatah qinabak bicsen kamri bahha heenih faaroh caxak sugen. Tohum yot naqabu culusse. Tohuk gexxaamah Baabelon-malik kee kay qaskar too qarwa akah cararissa'nnah abeyyo.


Tokkel magaalak akak yawqen afal booxak bagul, maacak xabba haanamaay carri tikka 'yam fanah, Qedra too kitab intam keenih akrayuk sugeeh; oson kaadu baguuk kaa ankacisak asen.


Yarusalaam magaalah qarwaay, malikwâ qarwa kee magaalal enna 'ya marih qarwa, nadaysa akah takke innah abeyyo. Too qarwah amol, yaqbuden cutuukah qaydarus ruubak sugen. Mango qaynatih duyyey yaqbudeenihiyyah amol, qibaadah qinabak bicsen kamri caxak sugen. Tonna leemiik too qarwa inkih nadaysa akah takke'nnah absiiseyyom keenih waris› » yok iyye.


Qibaadâ-Qarih-gasok adda le kabuk namma daaratal inkih, cutuuka elle yaqbuden arac bicse.


Too magaalal YALLIH Qibaadah-Qarik qusbih bicsen daaratal gaaboowen. Malik Yacoosafat gaaboowe marih foocal solla 'yeh,


Ayrok teena Dawud carra waqlat xiinik ugutta 'yeh, isi qarih amol yewqe. Wokkel booxah yan aracal wonnak annah gexak suge waqdi, barra kaqalah yuble. A barra kaxxam qax muquk ten.


Too alsak inikhaytoh ayrot yakkeenimiik Yarusalaamal Leeh Afa deqsitta culmak foocal gaaboowen. Too waqdi YALLI Israayil ummatah Muusal ruube xinto elle tan kitab sek Qedrak, «Neh baaha» iyyen. Qedra too xinto intam digga haah yaaxige numuk ten. Qedra too waqdi too kitab baaheeh; too ayro tokkel labhaay agabu kee kaskassoowe urrih foocal yikriye.


Swiv nou:

Piblisite


Piblisite