Nacmiya 6:6 - NABUWWA KEE MALIKWA

⁶ Too warkatal iyyeemih, «Yahuud akke waa marih baaxooxal, ‹Koo kee Yahuud mara umaane abtaanam faxxan› iyya mari yan. Gesam kaadu toh numma kinnim yoh warseh. ‹Tiddigilleh sugte gaso nammeyhaak akah xissaanam wohu› siinik iyyan. ‹Atu kaadu ken malik takkem faxxa› 'yaanamih xaagi yan.

Nacmiya 6:6 Referans Kwoze

Nacmiya 2:19

Sanballat kee Toobiya kee uli Qarabtoytay migaaqah Gesam deqsitahiyya nanu abnam fanxam yoobben waqdi, asalah nel hayya heeniih, «Away abtaanam takkaleenim macaay? Malikik naqboytit isinni abtaanam faxxaanam hinna!» anqaasak iyyen.

Qedra 4:12

Nabna le amoytaw, koh warisnaamah, Yahuud-maray koo le'kkek nee le'kke fan yemeetehiyya a saaku Yarusalaam magaalal nookeenih yanin. Taaxige uma magaalay umeynitih yan mari elle sugehiyya nammeyhaak xisaanam faxan. Oson woo magaalah rakiibo bicseenih gasok kaadu xayih gaba kalaanam faxan.

Ermiyaas 20:10

Sinam tutuc axcih aabbe. ‹Kulli-ikkel-cunxo-qidek, a num doolat abbobtih warisnay› 'yaanam axcih ken aabbe. Yi kataysis aylahu yok wagitta. ‹Ayrok teena aylahissa kaa hayneh kaa abbixennooh cane kaal gacsenno› iyyan.

Qedra 4:15

Tonna kinnuk taway abtaamahaa, duma ku kaxxa abbobtih dabaanal tekkem elle yuktuben kitaabal tanim wagtetto. Tonnal too magaalal dumî-dabaanal suge mari qamalleelak sugeeniih, malikwa kee rasih abbobtil saduh akkuk suge mara kinnoonum too kitoobal keenik geetto. Too magaala kulli waqdi gaadile kee umeynit dabqik sugtem geetto. Magaala duma akah baatem, tohih sabbata.

Nacmiya 6:5

Sanballat konoyhaytoh adda kaadu kay gubal taamita numul farmo yoh ruubeeh; too saaku yuktubeh ruube warkat alifit manannay fakimit yen.

Nacmiya 6:7

Yarusalaam addal Yuudâ-malik takku waytam ummattah warissu wayta nabuwwa bicsitteh tabbixe kok iyyan. Malik ta xaagu aabbele kaay; tonna leemiik koo kee yoo tahak tuk teena innam tayse» 'yaanam elle yuktubeh ruube.

Nacmiya 6:13

Oson ah akah abeenim, anu meysiteh dambit asa'gidiiy migaq innik bayseh qaybit asa'gidik ten.