Nacmiya 4:17 - NABUWWA KEE MALIKWA

¹⁷ Quuka beya mara kinni way, xisne edde aban duyye gabak teenah abbaxukuuy, gabak teenat silac luk, quuka beyak yenen.

Nacmiya 4:17 Referans Kwoze

Daaniyel 9:25

Taaxigem meqemii, Yarusalaam nammayhaak xisoonuuy, elle sugte'nnal tet gacsoonuh amri yeceenim kee, Yalli doore mirac yamaateemik fanat, waktik malcina waqdi malciin-gide kee, lactam kee namma waqdi malciin-gide tatrele. Gititte kee qande le megdeb luk tet xiseloonuh immay too waktil kaxxa gadaama akkele.

Nacmiya 4:13

Tohuk gexxaamah ummatta tikyal hayya heeh, gulub-gulubul ken kurra heeh, taama gaba elle kale'kah tan aroocak darre le kabul, seef kee macaxuuy gayse kee gaysê-xaylo luk, dacayrih ken hee.

Nacmiya 4:16

Too ayrok wadir yi marak garab taamita waqdi, raaqe garab gob kee macaxuuy gaysê-baxa kee qeebil silaacak waasoh xagarat sartanah haan birta haysitta heenih dacayrih gacak yenen. Yuudak saqoltih yen mari kaadu xisot yan marak darre le kabut gaceeniih, cato neh yekken.

Nacmiya 4:18

Xisnet yan mari taamite waqdi, numtin amol seef tikyah luk yenen. Baanta yaagure num yi garik yen.

Ayyuqel 2:8

Tuuy kabul keenik magexxay titta waklisak yamaate. Faxem kaa waasu maduuda. Bisoh elle gexaamal,