Nacmiya 4:14 - NABUWWA KEE MALIKWA

¹⁴ Taham cubbusek lakal, ugutta exceh, saqoltih yan maraay, baaxoh abbobti kee wohuk kalah tan ummattak exceemih, «Naqboytiitik mameysitina. Isinni tooboko kee isinni xaylooy isinni agabu kee isinni buxah taagah qeebi keenit abtaanama. YALLAY nabna leeh cunxo sahdat qidahiyya kassa haay, mameysitina» keenik exce.

Nacmiya 4:14 Referans Kwoze

2 Samuwel 10:12

Kaadu qagseh kaak iyyeemih, «Agiru tikay digga xic. Ninni mara kee ni Dageltih magaalah nagay yan qeebi abnaama. Ellecabol YALLI isih loowem akkele» iyye.

Nacmiya 1:5

exceemih, «YALLAW, Qaraanal yan Dageltaw, atu naba Dagelta kinnitooh; nanu kok meysinnah. Koo kicna mara kee ku amri oggola mara lih abte bica xagura Dagelta kinnito. Woo mara luk lito kacani mayambaxa.

2 Aydaad 32:7

«Abtaanamal digga 'xicaay agaagul akak caba; Assuuriyah malik kee usuk miraacisa qaskarak mameysitinaay niya haysita. Kay qaxat yan marak ni qaxat yan mari qandeh yayse.

Yoosuwa 1:9

‹Agaagul akak cabay a taamal digga xic› 'yaanam amrih kol oobiseh; tama amri hawweene waytam kol tan. Anu *YALLAAY; ku Dagelta kinniyooh; elle gexinnaan ikkel ko'lih ani'mmay mameysitinaay; niya kok baxaqe waytay» kaak iyye.

Makaabon 3:27

Qaleela le Efrayim rasu gufe waqdi Israayil marah *baanta yoogoreeh, «Ummatey carbih uguta» iyye. Too mari yemeete waqdi, qaleelâ baguy dabaqah elle sugeenik foocat gacca 'yeh ken bee.

Daaniyel 11:32

A malik Yallih diini cine mara ayrisele. Too mari kay xaqut gacele. Takkay immay, Yalla oggole mariiy digga axcuk, qeebi kaat abele.

Zakariyya 14:3

Tohuk lakal YALLI dumî-dabaanal akah abak suge innah, too doolatwat qeebi abuh ugtele.