Nacmiya 3:32 - NABUWWA KEE MALIKWA

³² Dahab bicisak yen mara kee tellemmo abak yen mari ellecaboh exxa bicsen. Gaso akak makkinta aracay amol qari akak yanihiyyaak, Illi-Afa deqsita arac fan bicsen.

Nacmiya 3:32 Referans Kwoze

Nacmiya 3:1

Magaalak gasoosa elle xisnem annak ten. Eliyaasib deqsita num kee kaal luk tan seeka taama qimbisak, Illi-Afa deqsitta afa xisen. Too afah xisnek gaba kalen saaku, afa Yallah taahirroyseeniih; culmah alifih edde haan coox edde heen. Seeka, sahda akak yabloonuh xisen Bool-Qari deqsita qarik xabba haanamaay sahda akak yabloonuh xisen Cananal-Qari fanah amma 'yaanam, a gaso Yallah taahirroysen.

Nacmiya 12:39

Tokkeek Efrayim-Afa deqsitta afa kee Yasaanah Afa deqsitta afaay, Kullum-Afa deqsitta afaay, sahda akak yabloonuh xisen Cananal-Qari deqsitta qari kee, sahda akak yabloonuh xisen Bool-Qari deqsita qaril taturra inneh, Illi Afa deqsitta afah nemeete. Ta gexoy rooruh gacca 'yeenih abak sugeenihiyyak, Dacayrih Marih Afa gufen waqdi yeeden.

Nacmiya 3:31

Malkiya deqsita numuy dahab bicisak yenehiyya wokkek elle yamaaten exxa bicse. Too num tokkeek Yallih Qibaadah-Qarit taamita mara kee tellemmo mari edde suge qariy Mafdaga-Afa deqsitta afat foocah raaqahiyya kee gaso akak makkinta aracay amol qari akak yanihiyya fan bicse.

Nacmiya 3:8

Carhayá-Quddiyal deqsita numuy dahab bicisak yenehiyya ciggilta exxa bicse. Qatri bicisak yen Cananiya deqsita num ciggilta exxay Kaxxa-Gidaar deqsita arac fan guftahiyya bicse.