Nacmiya 3:17 - NABUWWA KEE MALIKWA

¹⁷ Leewih yooboke mari kaadu gasoosak wohuk raqte exxaaxih bicsat gacen. Baaní-Racum exxak teena bicse. Casaabiya deqsita numuy Kaqiila deqsita rakaakayak garabak abbah yenehiyya tokkel, buxah yen marih afak, katayta exxa bicse.

Nacmiya 3:17 Referans Kwoze

Yoosuwa 15:44

Kaqiila kee Akdib kee Mareesa deqsitta magaalooli inkih kenim tekke. Toh tittat sagla magaalak ten. Toh lih kaadu woo magaaloolik dariifal sugga 'te gaandoodi inkih kenim tekke.

Nacmiya 3:16

Qadbúk-Nacmiya deqsita numuy Beet-Xur magaalak exxak teenak abbah yenehiyya kaadu ciggilta exxay malikwâ-kabri elle yenehiyya kee gabak bicsen dora elle yan ikke kee Agiirâ-qari elle yan arac fan bicse.

1 Aydaad 23:4

Too waqdi Dawud iyyemii, «Too marak labaatanna kee affara alfih num taamah yaallu waam, YALLIH Qibaadah-Qarih addal tan taamaay; kaadu too soddom kee bacra alfi yekke marak laca alfih num taamah yaallu waam, qaada yaktubeenim kee ummatta cakki tittak wayta waqdi, ken kuraanama.

Nacmiya 3:9

Cuúr-Rafaaya deqsita numuy Yarusalaam magaalak exxak teenak abbah yenehiyya kaadu ciggilta exxa bicse.

Nacmiya 3:18

Cendád-Bawway deqsita numuy kaadu woo rakaakayak garabak abbah yenehiyya ciggilta exxa bicse.

Nacmiya 9:4

Leewih yooboke mari mawqeenah amol soolak yen. Tokkeh amol Yaasuwa kee Baani kee Kadmiyal kee Sabanya kee Bunni kee Sereebiya kee Baani kee Kanaani deqsita mari anay fayya haak YALLAY ken Dagelta kinnihiyyah kallacen.