Nacmiya 3:15 - NABUWWA KEE MALIKWA

¹⁵ Kolhadá-Sallum deqsita numuy Mixfa deqsita rasuk abbah sugehiyya Raceynah Afa deqsitta afa bicse. Sarrak culmah alifih amo xiseeh; alifih edde haan coox kee woo alifit tabtabbih haan coox kee birta akah bicse. Saalec-Dora deqsita aracay malik bustaanak elle yamaateenihiyyal sugte gaso, Dawud-Magaala deqsita caafatak akak ooban mawqeena fan, bicisak baahe.

Nacmiya 3:15 Referans Kwoze

Yasaqya 8:6

«Too mari Siloc deqsita sila le lee-arac cineeh, malik Raaxin kee Ramalyaahû-baxah yifriceenimih sabbatah,

Nacmiya 12:37

Raceynah Afa deqsitta afa gufen waqdi, Dawud-Magaala deqsita caafatih mawqeenal yewqen. Sarra, Dawud-xise qarik taturra 'yeenih, magaalak ayrô-mawqa le kabut raqta afay Leeh-Afa deqsitahiyyah xaqul yeeden.

Nacmiya 2:14

Sarrak Raceynah Afa deqsitta afak Amoyti-Dora deqsita arac fan gufe. Tokke gufe waqdi, amot akak gexak suge merrayti gita weeh;

Ermiyaas 40:6

Tohuk lakal Ermiyaas, Acikám-Gedalya fan gexeeh, tokkel baaxol raaqe mara lih yeede. Gedalya, Mixfa deqsita aracal suge.

Nacmiya 3:14

Rekáb-Malkiya deqsita numuy Beet-Cakkarem deqsita aracih abbah yenehiyya Guddaafâ-Qidim deqsitta afa bicse. Sarrak too culmah alifih edde haan coox kee woo alifik adda le kabuk tabtabbih haan coox kee birta akah bicsen.

Nacmiya 3:12

Hallocás-Sallum deqsita numuy Yarusalaam magaalak exxak teenak abbah yenehiyya kaadu ciggilta exxa bicse. Too taamal say-xaylo kaa catte.

Nacmiya 3:9

Cuúr-Rafaaya deqsita numuy Yarusalaam magaalak exxak teenak abbah yenehiyya kaadu ciggilta exxa bicse.

Nacmiya 3:7

Gibqon magaalak yemeete Malaatiya deqsita numuuy, Meerom magaalak yemeete Yaadon deqsita numuuy, tonnah kaadu Mixfa kee Gibqon magaalak yemeete mari ciggilta exxa bicsen. Mixfa, Furaat Weeqaytuk Ayrô-culma le Kabut Raaqa Rasih abbah qari elle yen araca.

2 Aydaad 32:30

Ciskiyyaahu Gicoon buyyih leek daga raqta afa aliffa heeh, woo lee dagga hee caraatak Yarusalaam magaalah gidaarittek adda gacca 'teh darah akah gexxa innah abe numuk ten. Usuk abba heem inkih kay gabal bicteh.

2 Malikwa 25:4

Too waqdi magaalat maroh yan gidaar boohayseenih. Baabelon-mari magaala marot abbaxuk yene'mmay, tohuh, Yuudâ-malik kee qaskar inkih barat edde kudde. Kuden waqdi gitah malik buxah bustaan elle yen aracak namma gidaarak fan-fan gacca 'yeenih Ordon weeqaytu fan gexen.

Makaabon 20:3

Benyaamah yooboke marah tu gactek, Israayilih ubukka 'teemik keenik kalih mari Mixfal kobxem yoobbeenih immay, oson magexinnon. Yemeete mari, «Taway tekkem macaay? A umaane elle tekke'nna naabbem fanxa» iyyen.

Makaabon 20:1

Tah yoobbe mari, Israayil mari elle eneyya 'ya ikkek, Gilqad rasul elle suge marih agantah, num maraaqinnay, inkih yakkeenimik Mixfa deqsita aracal YALLIH foocal gaaboowen.

Nacmiya 2:17

Takkay immay magaala wagtek lakal keenih warseeh, keenik exceemih, «Labhay, edde nan gibdaabina wagitay. Yarusalaam abur tekkeeh, tet akak culak yenen afoofi gira edde ruubeenih cararte. Away magaalâ-gasoosa xissa hayneh, edde nan qaybik ninni nayyaaqay› keenik exce.

Nacmiya 3:19

Yaasuwá-Qeder deqsita numuy Mixfa magaalak abbah yenehiyya silac qari elle yawqen gitat foocah raqta exxa xise. Toh, daaba le arac kinni.

2 Samuwel 5:9

Megdebwa teetik yibbixeenik wadir, Dawud dabqah teetil gaceeh, «Dawud-Magaala» 'yaanam migaaqah teetih yeyyeeqen. Naharak ayrô-mawqa le kabut raqta baaxoy ramma luk sugte missoysak baahak, tet dariifal magaala xisen.