Nacmiya 3:14 - NABUWWA KEE MALIKWA

¹⁴ Rekáb-Malkiya deqsita numuy Beet-Cakkarem deqsita aracih abbah yenehiyya Guddaafâ-Qidim deqsitta afa bicse. Sarrak too culmah alifih edde haan coox kee woo alifik adda le kabuk tabtabbih haan coox kee birta akah bicsen.

Nacmiya 3:14 Referans Kwoze

Ermiyaas 6:1

Benyam maraw, isillimaay amaan elle yan ikke gexa! Yarusalaam magaala cabay gexa. Kilbat le kabuk umaane temeeteeh; baati xayyowtek! Takooqâ-magaalal yan maraw, *baanta ugura. Asta siinih takke'gidih, Beet-Hakkarem deqsita aracal gira urusa.

Nacmiya 2:13

Barat edde, Goloh-Afa deqsitta afak gacca exceh magaalak tattab-tattab gexeh, Gawi-Buyyi deqsita aracak gacca exceh, Guddaafâ-Qidim deqsitta afa guffa haam fan, magaalat maroh ten gasoy tiddigille kee magaalah afoofiy carartehiyya cubbusak gexe.

Nacmiya 3:9

Cuúr-Rafaaya deqsita numuy Yarusalaam magaalak exxak teenak abbah yenehiyya kaadu ciggilta exxa bicse.

Nacmiya 12:31

Sarrak anu Yuudak saqoltih yan mara magaalat maroh tan gasoh amol hee. Too waqdi saare-abay mangohiyya namma exxah hayya heeh, «Yalla faylisak, gexa» keenik exce. Naharsi roorut suge marak, «Guddaafâ-Qidim deqsitta afay migdi kabut raqtahiyya fan foora» exce.

2 Samuwel 4:2

Saawuluk raaqe baxi, kay gaadile warar abte waqdi, naqboytiitik midir buubte qaskar-abbobtik nammay luk yen. Ta qaskar abbobtih nammay migaaqah Baqna kee Rekab deqsitak yenen. Namma toobokoytak yeneenih; akah yoobokeenim, Benyam kedok ten. Ken abba Rimmon deqsita numuk teneeh, Beerot deqsitta magaalal dabqah yen. Beerot, Benyam kedo dabaaqah elle sugte magaalak ten.

1 Aydaad 6:40

Simqa Mikaayil-baxaay, Mikaayil Baqseeyâ-baxaay, Baqseeya Malkiyâ-baxaay

2 Malikwa 10:15

Yaahu kaadu safarah gexot yan waqdi, Rekab-baxa-Yonadab gital gee. Too waqdi Yaahu salaamatta kaah abba heeh iyyemii, «Anu ko'lih akah ani'nnah, yo'lih tanii?» kaak iyye. Yonadab, «Yeey, ko'lih an» iyye. Yaahu too waqdi, «Hay tonnal gaba yol ucuy» kaak iyye. Gaba kaal yecee waqdi kaak iyyemii, «Anu YALLIH taamat baguuk elle ani inna, isih table'gidih am» kaak iyye. Yaahu too waqdi isi faras-gaarit kaa korse. Oson nammayak Samaariyah magaala gexen.