Nacmiya 2:6 - NABUWWA KEE MALIKWA

⁶ Malik too waqdi isi barra luk daffeyak sugeeh, anu inxicca excem yoh oggoleh. Sarrak «Hay, ta safarat magide sugettoo? Maa waqdi aduuretto?» yok iyye. Toh kinnih gide kaah warseh.

Nacmiya 2:6 Referans Kwoze

Nacmiya 13:6

Toh tekke saaku anu Yarusalaamal masuginniyooy, Malik Artacsasta Baabelon malik edde yekke soddom kee nammayhaytoh ayrot kaa fan gexeh suge. Dago wakti sugek lakal, ruksat kaak geeh,

Yasaqya 65:24

Dooqa kee kallacit anih faxeenim keenih abeyyo.

Nacmiya 5:14

Woo taban kee namma sanatay anu Yuudâ-rasuk xintoh abba edde ekkehiyya, yoo kee yi mari, yok duma sugte abbobti maaqo kee duyye keenit akah faxak sugte innah, keenit mafaxinnino. Tohum, Malik Artacsasta edde reede labaatanhaytô sanatak xabba haanamaay, too malik reedal edde suge soddom kee nammayhaytô sanatah amma 'yaanam yan udduruk ten.

Yasaqya 58:12

Sin mari duma abuuruh sugte arooca wadir xiseleeh duma sugte rakiiboh bagul qusba qarwa xisele. Isin baateh sugte gaso xisaah abuuruh sugte qarwa bicsa mara deqsitetton» iyyah yan.

Nacmiya 2:4

Malik too waqdi, «Away hay, maca koh abam yok faxxaah?» yok iyye. Too waqdi qaraanal yan Yalla kallaceeh,

Yasaqya 61:4

Mango dabaanah abuuruh sugte baaxo xiselon. Dumaak bayteh sugte magaalooli nammayhaak xiselon.

Nacmiya 1:11

Yooy ku naqasuh yani kee ku naqoosay ku migaq taynabehiyya abta dooqa nek macinin. A saaku faxam yoh aba'gidih, malik bagu yoh xabbacos» 'yaanam exce. Too saaku taamah luk enem, malikih qinab elle yaaqube kobbaaya xayyoosa marak abbah en.

Nacmiya 2:5

sarrak malikik exceemih, «Yi malikow, yooy ku naqasuh yanih temqeeh, anu koo esseram oggoltek, Yuudâ-rasu kee anu akak rade yi kaxxa abbobtih kabri elle yan magaala gexxa exceh nammeyhaak xisa'gidih, yoo rubtam kok faxa» exce.

Daaniyel 9:25

Taaxigem meqemii, Yarusalaam nammayhaak xisoonuuy, elle sugte'nnal tet gacsoonuh amri yeceenim kee, Yalli doore mirac yamaateemik fanat, waktik malcina waqdi malciin-gide kee, lactam kee namma waqdi malciin-gide tatrele. Gititte kee qande le megdeb luk tet xiseloonuh immay too waktil kaxxa gadaama akkele.