Nacmiya 2:3 - NABUWWA KEE MALIKWA

³ sarrak kaak exceemih, «Yi malikow, qumri kok yaxxeeray. Yi kaxxa abbobtih kabri elle yan magaala abur tekkeeh, tet akak culan culma carriseenih; tah inkih aaxagih faxe-waynaan mannal sinniyo?» exce.

Nacmiya 2:3 Referans Kwoze

Nacmiya 1:3

Too mari yok iyyemii, «Baabeloonuk saaboh isi baaxo fan yuduure mari kaxxa gadaamah addat yaniih; woo baaxol suge mari ken bursutah. Yarusalaam magaalat maroh tan gasoosay tiddigillehiyya uxih bicsa mali. Magaalah adda akak culan culmay duma carriseenihiyya uxih bica magenna» 'yaanam yok iyyen.

Daaniyel 2:4

Oson too waqdi Suuriyah afat kaal gacseenimih, «Malikow, ku qumri waaray. Tuble soono neh waris, maqna akak koh warsennok» kaak iyyen.

1 Malikwa 1:31

Too waqdi Batsabaq kay massakaxxah qununna 'te. Sarrak, «Yi amoytih qumri yaxxeeray» kaak inte.

Daaniyel 5:10

Malik-ina, malik kee kay muddaqiyyi abah yan waxxaqto toobbe waqdi, afxago elle xagak sugen qari culte. Too waqdi, «Malikow, qumri kok waarayik, a gide mankakkaqinaay annah magacin.

Daaniyel 6:21

Daaniyel kaal gacseemih, «Malikow, qumri kok waaray!

Daaniyel 6:6

Tonnal kaak aboonu waanamal malissa heeniih; tohuk wadir Malik Daryawesil yemeeteeniih, iyyeenimih, «Malikow qumri kok waaray!

2 Aydaad 32:33

Ciskiyyaahu rabe saaku malikwa elle yaaguqen aracak fayya le aracal kaa yoogoqen. Usuk rabe saaku inkih tan Yuudah ummatta kee Yarusalaam mari inkih kay magaqah massakaxxah yemeete. Kay aracal kay baxi Manasse malik yekke.

2 Aydaad 28:27

Rabe saaku kaa elle yoogoqeenim, Yarusalaam addak ten. Takkay immay malikwa edde haan kabrit kaa mahannon. Kay lakal kay baxi malik yekke. Kay migaq Ciskiyyaahu deqsitak yen.

2 Aydaad 21:20

Yahooram soddom kee nammayhaytot yan saaku malik yekkeeh, sarrak Yarusalaamal bacra sanat malikih suge. Rabe saaku kay rabah rookittem matan. Magaalak Dawud-Magaala deqsita caafatal kaa yoogoqeeni'mmay, malikwa edde yaaguqen magaqat kaa maaguqinnon.

Daaniyel 3:9

Malikik iyyeemih, «Malikow, qumri kok waaray!

2 Malikwa 25:8

Malik Nabkadnessar Baabeloonul edde reede taban kee sagalhaytô-sanatak konoyhaytoh alsak malcinhaytoh ayrol, Nabudardan deqsitak yen numuy Nabkadnessarat dacayrih tan qaskarak abbah raaqahiyya Yarusalaam magaala yemeete.

2 Aydaad 36:19

Magaalat maroh sugte gasoosa bututtukka hee. Magaalaay, Yallih Qibaadah Qariiy, magaalal suge doolat-buxaaxi kee addal akak sugte duyye cararise.

Nacmiya 2:13

Barat edde, Goloh-Afa deqsitta afak gacca exceh magaalak tattab-tattab gexeh, Gawi-Buyyi deqsita aracak gacca exceh, Guddaafâ-Qidim deqsitta afa guffa haam fan, magaalat maroh ten gasoy tiddigille kee magaalah afoofiy carartehiyya cubbusak gexe.

Ermiyaas 52:12

Malik Nabkadnessar Baabeloonul edde reede taban kee sagalhaytô-sanatak konoyhaytoh alsak tabanhaytoh ayrol, Nabudardan deqsitak yen numuy, Nabkadnessarat dacayrih tan qaskarak abbah raaqahiyya, Yarusalaam magaala yemeete.

Aster 8:6

Tannah tanim inni intih abalih yi mara kee yi ramadat takkeeh, ken qidaanam abalih tibba axcem yoh matakka» inte.