Nacmiya 2:15 - NABUWWA KEE MALIKWA

¹⁵ tohih sabbatah Kidroon-Golok adda oobba exceh, gaso elle tani'nna wagitak gexe. Sarrak akak emeete gitaak gacca exceh, Goloh-Afa deqsitta afak magaala cule.

Nacmiya 2:15 Referans Kwoze

2 Samuwel 15:23

Dawud kataata mari foore waqdi, ummatta weqteh. Sarrak Dawud kee Dawud-mara Kidroon deqsita buyyik sinam elle dago baaxo fanah haysiten.

2 Aydaad 26:9

Yarusalaam magaalat maroh edde heen gasoosa maqar bahsiisa'gidih, Rukni-Afa deqsita arac kee Goloh-Afa deqsita aracih amol, allak tamaatem akak yablen qari xise. Gaso akak makkinta aracal kaadu tonnah yan qari xise.

Nacmiya 2:16

Anu elle suge ikke kee abak sugem, baaxoh abbobtik num aaxaguk mananna. Anu kaadu taham fan, yok kaxxih Yahuuduh yooboke maraay seekaay saqoltih yan maraay baaxoh abbobti kee wohuk kalah yan maray a taama yo'lih abu waahiyyak, a gasoosa xisam faxam numuh mawarsinniyo.

Nacmiya 3:13

Dannowac deqsita aracal dabaqah suge mara kee Cannun deqsita num Goloh-Afa deqsitta afa bicisse. Too culmah alifih edde haan coox kee woo alifik adda le kabuk tabtabbih haan coox kee birta akah bicsen. Tokkek Guddaafâ-Qidim deqsitta afa fan raqta exxay xexxaarah alfi cusul takkehiyya bicsen.