Nacmiya 2:10 - NABUWWA KEE MALIKWA

¹⁰ Sanballat deqsita numuy Beet-Coron deqsita magaalal yooboke kee Toobiya deqsita numuy Qammon rasul doolat saqalah yenehiyya, Israayil ummatah meqe taamat asam faxa num yemeete 'yaanam yoobben waqdi, kaxxam faxe cineenih.

Nacmiya 2:10 Referans Kwoze

Nacmiya 4:7

Sanballat kee Toobiya deqsita marih nammay kee Qarabah yooboke mara kee Qammon mara kee Asdood-magaalah-marah tu gactek, nanu Yarusalaamah gasoh xisne meqe innal abnaah, fanaafanat sugte foxooxa kibneh duudusnem yoobben waqdi, kaxxam keenit toome.

Nacmiya 2:19

Sanballat kee Toobiya kee uli Qarabtoytay migaaqah Gesam deqsitahiyya nanu abnam fanxam yoobben waqdi, asalah nel hayya heeniih, «Away abtaanam takkaleenim macaay? Malikik naqboytit isinni abtaanam faxxaanam hinna!» anqaasak iyyen.

Nacmiya 13:4

Sek Elyaasib deqsita sek Toobiya deqsita num lih qalla luk yen. Eliyaasib Yallih Qibaadah-Qarik duyye edde daanisan golittek abbah yeneeh; tonna leemiik Toobiyah kaxxa goli yecee. Kaah yecee goli, sadgatah baahan daro kee qaydarusuuy, Yallih Qibaadah-Qarih duyyeey, seekah mattacoh yeceen duyyeey, dakaatah baahen daro kee qinabak bicsen kamri kee, tonnah kaadu, zeyti (saliid) duma daanah elle haak sugen golik ten. Too dakaatah gaaboysen duyye, Yallih xinto elle inta'nnal, Leewih yooboke mara kee Yallih Qibaadah Qaril saare aba mara kee, tonnah kaadu, Yallih Qibaadah-Qarit dacayrih yan marah yeceen duyyek ten.

Nacmiya 6:1

Sanballat kee Toobiya kee Gesam kee kalah yan maray naqboytiitih nek yenehiyya yakkeemiik, a gasoh xisnek gaba kallem yoobbeeniih, mango gasoosak gudet ten faxo duudusnem kaadu yoobbeenih. Takkay immay akak culan afoofi edde haan coox uxih edde hayneh manannino.

Ermiyaas 48:34

Cesbon kee Elqaale mari weeqat yan. Oson aban weeqi Yahax magaalal yantaabbe. Doqar magaalal yan mari kaadu yaabbeh. Coronyim kee Eglat-Selisiya fan yantaabbe. Nimrim deqsita buyyi kinni-way a saaku kafeeh lee mali.

Ermiyaas 48:5

Lucit deqsita arac fan gexa gita koran waqdi, kaxxam weeqak gexan. Coronyim deqsita aracah amma iyyan way, tekkeh tan baatih aban weeqih anay rada.

Yasaqya 15:5

Mooyab-marah afqado yok danantah. Macaay inteenik, yasillimem faxa mari Xooqar kee Qeglat-Selisiya fan kuda. Marak teeni weeqak Lucit fan beya gita gexan. Marak teeni anay fayya haak boogisak Coronyim fanah kudan.

Nacmiya 13:1

Too saaku Yalli Muusal ruube xinto fayya haak yikriyen waqdi, kitab addak «Qammon kee Mooyab deqsitta kedoh yooboke mari, Yallih mari diini qaadah elle gaaboowe arac amaate waama» 'yaanam inta exxa keenih yikriyen.

Nacmiya 6:16

Nek naqboytiitih yan mara kee nek dariifal dabaaqah yan mari, a taama Yalla kinni ni Dageltih cato edde tengeleemih sabbatah gaba kaltem yeexegen waqdi, meysiteenih wacarriy ken yibbixe.

Nacmiya 13:28

Yoyaadaq kaxxa seekih yen Elyaasib baxak yen. Takkay immay kay baxi Sanballat deqsita numuy Beet-Coron deqsitta magaalal yoobokehiyyah baxál digibe. Tohuk gexxaamah Yoyaadaq Yarusalaam magaalah addak eyyeeqeh.

Aster 10:3

Yahuuduh yooboke Mordakay, Malik-Ekserkasak kalih marak inkih, reedah amol raaqa numuk yen. Yahuud kaxxam kaa assakaxxuk teneeh, kaxxam kaadu kaa kicinuk ten. Usuk kaadu isi marah amqinnan taamah abitto kee ken amo dacrisaanam taamah luk yen.

Ermiyaas 41:10

Sarrak Ismaaqil, malikik say-xaylo kee, Mixfâ-magaalal suggu 'ye maray Baabelon qaskar abbay Nabudardan deqsita Gedalya abba akak abeh cabehiyya, seewah gabat hayya heeh, Qammon rasu fan foore.