Nacmiya 13:15 - NABUWWA KEE MALIKWA

¹⁵ Too dabaanal Yuudâ-baaxol sabti ayro, maqab akak bicsaana'gidih, qinab xaylot yaaqite mara uble. Aki maray kaadu sabti saaku daro kee qinab xaylooy qinabak bicsen kamri kee salfa le caxâ-miru kee kalah tan duyye danoonal eerra heeh beyahiyya uble. A duyye inkih sabti qiidih ayro Yarusalaamal culusak yenen. Too waqdi «Sabti ayro hebeltohim maylammina» 'yaanam keenik exce.

Nacmiya 13:15 Referans Kwoze

Nacmiya 10:31

Marin baaxoh mari daro akkiiy, hinnay kaadu, wohuk kalah tan duyye sabti ayro akkiiy qiidih edde asna ayro nee fan baahen ken tekkek, keenik maxaanna. Malcinhaytô-sanat gufa saaku, sanat fanah buqre abe'kal sugennooh, tonnah kaadu sinaamat lino mago sinaamah cabenno.

Nacmiya 13:21

too marak, «Maaci maacissa 'yam fan akkel akah xintaanam macaay? Ahak wadir temeeten sin tekkek, umam siinil baaheyyo» keenik exce. Too ayrok wadir sabtih duyye tellemmoh baahak maraaqinnon.

Yasaqya 58:13

YALLI qagseh iyyeemih, «Sabti ayro aki ayrok fula, taahirik tan ayro kinnim aaxaguk, too ayrot isinnih faxxaanam maabinay; yi xintol saduh tanim maabina. Yi ayroy taahirik tanihiyya kaxxa farcat le ayro deqsitak, essekexxeyaay, too ayrot isinni gita magexinaay, isinnih faxxaanam maabinaay, tonnah kaadu, tuxxiq sinni yaabat mayaabina.

Yacedkel 20:13

Keenih tu gactek, bacarih tan baaxol sugen saaku kinni-way, anu aba keenik axcem cinak sugen. Yi amri kee yi xintoy duuduse marah waar teceehiyya cinak sugen. Sabti ayro xaguraanam inkinnah cineenih sugen. Tonna-leemiik too saaku yi naqbi le'nna ken aybulleem faxxa heeh, too bacarih tan baaxol elle ken baysam faxeh suge.

Ermiyaas 17:27

Tonna'mmay yi yab oggoltaanam siinil taniih, sabti ayro taahirik tan ayro kinnim taaxigeenim siinil tan. Too ayro Yarusalaam magaalah afaak magaalah adda duyye merraytul culuse waytaanama. Sunkul culuse waytaanama. Takkay immay yi yab cinna hayteenih culussen sin tekkek, Yarusalaam akak culan afat gira ruubeyyo. Too gira malik qarit gexeleeh, sarra num tet mabargusa, siinik iyyah yan› keenik inxic» yok iyye.

Ermiyaas 17:24

Takkay immay ta saaku yan maraw, isin yi yab oggolteenik, wohoysa kaadu, sabti ayro a magaala duyye merraytul culuse wayteeniih sunkul baahe wayteenik, tonnah kaadu, sabti-ayro taahirik tan ayro kinnim ixigga hayteenik, too ayro hebeltô-taama abe wayteenik, buxal qiidih asseenik,

Nacmiya 9:29

Atu aba intam abe weenik, keenit takku waytaamih garci keenih kalteh. Ku xinto kataata mari isinni rooci wadele'mmay, too mari, ku xintok sah giti ane waam aabbih, kaxxiinitak ku xinto cineenih, keenih warisah darre kot caben.

Miika 6:3

YALLI iyyaamah, «Yi maraw, anu siinil baahem macaay? Anu siinil quuka elle ekkem manna? Siinil quuka elle ekke inna yoh warisay!

Ermiyaas 42:19

Kaadu qagseh keenik iyyeemih, «Yuudâ-rasul raaqe maraw, YALLI, ‹Masri fan magexina› siinik iyya'mmay, ta yab macinina.

2 Aydaad 24:19

YALLI, uma gitak ken waasaana'gidiy kay fan ken gacsaana'gidih, nabuwwa keenil ruube'mmay, ummatah tu gactek, ken yab aabbe cineenih.

Nacmiya 13:16

Suur deqsitta magaalah marak tu yakke mari Yarusalaam magaalal dabaaqah sugeeh, kullum kee wohuk kalah tan duyyek mangom sabti qiidih ayro Yarusalaam baahakaay, ni maral xaamak sugen.

Qaamus 8:5

‹Daro limmosna'gidih, alsi edde bila qiidih edde asna ayro xayuk nek gexinnay› 'yaanam intan. ‹Daroora limmosna'gidiiy tuk teena milaaguh (libaakih) edde geyna'gidih, sabtih akah asna qiid xayuk gaba nek kalinnay› intan. ‹Too waqdi, daro elle keexna keexok addah heenno'mmay, mango lakqot limmoysenno. Miizaanak makot yan miizaanal daro keenit kalak sugenno.

Nacmiya 10:32

Kulli sanatal Yallih Qibaadah-Qarih taamah lakqok affara giraam takkem numtin amol yaceenim fardih nel tan. A lakqo Yallih Qibaadah Qarih faxximtam edde xaamenno.