Nacmiya 12:43 - NABUWWA KEE MALIKWA

⁴³ Too saaku mango sadgat abeeniih, kaxxam ruffa iyyen. Akah ruffa iyyeenim, Yallak geen kaxxa farcik ten. Too saaku aben qaffaydat agabu kee urri yengeleeh; oson ruffok gexxaamah aban xongolo xer baaxo fan antaabbuk ten.

Nacmiya 12:43 Referans Kwoze

Qedra 3:13

Qilila kee weeqi xongolo tittat tengeleemih sabbatah, qililo kee weeqa ittak cedak manannon. Xongolo keenik allal radak ten.

Ermiyaas 31:13

Baxuw saxxaqah digreleeh wallitele. Furrayna kee idoolah agantah africelon. YALLI iyyemii, «Anu ruffu ken heeyyooh, edde sugen rooka farcatah keenik gacissa heeyyooh; edde sugen cisab kee gadaamak farcat kee assamaq geelon.

Ermiyaas 33:11

sahda qililo elle abah aabbetton. Digibih sinam elle digirah abletton. Anu keenih abe maqaaneh candu gacsaana'gidih, yi Qibaadah-Qari sadgat baaha mara abletton. Sadgat baahan waqdi, yi Qibaadah-Qarih addal, ‹Ummatey, YALLAY Nabaamak Nabahiyya faylisa! YALLI maqaane le Dageltak, candu kaah gacisa! YALLIH kacni mayambaxak, tohul candu kaah gacisa› 'yaanam axcuk, candu yoh gacselon. Ken baaxo fanah ken gacissaay gaddaloola ken abba heemih candu yoh gacselon. Tahat yabtam yoo YALLA» 'yaanam iyye.

Yasaqya 61:3

Siyoonul yan maray rookitahiyyah rufto kee farci acee'gidiiy moyyat heen gombodih aftok, qaxa-le-kalabta haa'gidiiy arkaay niyâ-digloh aftok gad kee saare ken absiisa'gidih yoo ruube. A mari cakkit yan mara deqsiteloonuuh; YALLIH nabna kee qaxa yaybulleeni'gidih YALLI isih yuysubuke kaxxa cooxih innah gacelon.

2 Aydaad 20:27

Yacoosafat kee kay qaskar YALLI naqboytiitik keenih yecee nasrih afracuk Yarusalaam fanah yuduuren.

2 Aydaad 20:13

Too waqdi Yuudâ-marak ginnaaqot yan agabu kee urrih agantah num raaqeh manannaay, YALLIH Qibaadah-Qarih afal soolak yenen.

2 Aydaad 7:10

Tohul ciggilta ayroy sanatak malcinhaytoh alsaay ayrok labaatanna kee sidochaytoh ayro kinnihiyyat Suleeman, yemeete mara, le baaxo fanah rubsuuse. Amma 'ye mari inkih, YALLI Israayil ummatay isi marah tanihiyya kee, Dawud kee Suleemanat hee barkat yubleenimih sabbatah, kaxxam ruffa iyyen.

1 Samuwel 4:5

Woo sandug baahen waqdi Israayil mari farcik gexxaamah baaxo edde engeyya inta xongoloh xongolen.

Nacmiya 12:42

Ken lakal tenem kaadu, Maqseyaahu kee Samaqya kee Alqedar kee Quddi kee Yahoocanan kee Malkiya kee Qeelam kee Qader deqsita numuk ten. Too waqdi saare-aba anay fayya haak, Yalla faylisen. Saqalah keenik tenem, Yidracya deqsita numu.

Nacmiya 12:27

Yarusalaamat maroh ten gasoy tiddigilleh sugtehiyyah xisnek gaba kalen saaku, Leewih yooboke marah seeco aben. Keenih akah seeceenim, ruffa axcuk edde asaana'gidiiy, Yallah candu edde gacsaana'gid kee Yalla edde saarisaana'gidik ten. Too saarel, kirar kee begenaay giyaagib aagaruk Yalla saarisak, candu Yallah gacsen.