Bib sou entènèt

Nacmiya 12:31 - NABUWWA KEE MALIKWA

³¹ Sarrak anu Yuudak saqoltih yan mara magaalat maroh tan gasoh amol hee. Too waqdi saare-abay mangohiyya namma exxah hayya heeh, «Yalla faylisak, gexa» keenik exce. Naharsi roorut suge marak, «Guddaafâ-Qidim deqsitta afay migdi kabut raqtahiyya fan foora» exce.

Gade chapit la Kopi

« Previous

tounen moute ⬆

Nacmiya 2:13

Barat edde, Goloh-Afa deqsitta afak gacca exceh magaalak tattab-tattab gexeh, Gawi-Buyyi deqsita aracak gacca exceh, Guddaafâ-Qidim deqsitta afa guffa haam fan, magaalat maroh ten gasoy tiddigille kee magaalah afoofiy carartehiyya cubbusak gexe.

Gade chapit la

Nacmiya 12:38

Saare-abak nammayhaytô-butta, gasok gura le kabut raqta exxak amo gacak, Yalla faylisak tatren. Yoo kee sahdak garab ken katayne. Gasoh amol sahda akak yabloonuh xisen Muufê-Qari deqsitak yen qaril taturra inneh, Bagu-naba Gaso deqsitta gaso fan nemeete.

Gade chapit la

Nacmiya 12:40

Ta saare-abay namma exxah gacca 'teh Yalla faylisak gexxehiyya ellecabol Yallih Qibaadah-Qaril elle sooloonu waan arac yibbixen. Yoo kee yo'lih suge mari kaadu Qibaadâ-Qarik foocal solle. Yo'lih ta gexot ten saqoltik kalah,

Gade chapit la

2 Aydaad 5:2

Too dabaanal YALLIH Qahdih Sandug, Dawud-Magaalay Siyon deqsitahiyyal sugte. Malcinhaytoh alsat yamaate Iraawô-Dabih-Qiid deqsita qiidih ayro Yarusalaamal kobxen waqdi, Malik Suleeman too Sandug Yallih Qibaadah-Qari fan baahaana'gidih, Israayilik saqoltih yan maraay kedoh abbobti kee makaabonuh seeco abe.

Gade chapit la

1 Aydaad 28:1

Malik Dawud inkih tan Israayil abbobtih seeco abe. Keenih akah seecem, Yarusalaam magaalal gaaboowaana'gidik ten. Too seecol kedoh abbobti kee, kay dardaarinni maadda haa baaxol doolat abbobtih yan mara kee, gulub-gulubuk abbobtih yan mara kee, malik kee kaak lab-xaylo edderra hayte midirik amo wagitak yan mara kee, kay qaril abbootan luk yan mara kee, qaskarak foocat tan qaskar kee, wohuk kalah yan maray muxxo lehiyyak num maraaqinnay, inkih Yarusalaam magaalal gaaboowen.

Gade chapit la