Nacmiya 11:23 - NABUWWA KEE MALIKWA

²³ Malik buxah gasok amri yewqeh yeneeh; too amri, kulli ayro midu-miduh ta mari Yallih Qibaadah-Qaril takke saare elle aban inna yascasse amrik ten.

Nacmiya 11:23 Referans Kwoze

Nacmiya 12:47

Duma Darabbabel deqsita numih daban kee, tonnah kaadu Nacmiya deqsita numih dabaanal, Israayil mari yakkeemik inkih Qibaadâ-Qaril saare aba mara kee Qibaadâ-Qarit dacayrih yan marah, kulli ayro catoh mattaco acayuk yenen. Tonnah kaadu Leewih yooboke marah taahirik tan mattaco acayuk yenen. Leewih mari kaadu seekah, Yallih xinto elle inta'nnal, keenih yeexegen afto keenih acayuk yenen.

1 Aydaad 9:33

Yallih Qibaadah-Qarih addal saare abak yen mari, Leewih yooboke marak ten. Too marak abbobtih yen mari bar kee saaku too taama luk yeneemih sabbatah, gersi taama keenih maacannon. Too mari Qibaadâ-Qaril ten golitteh addal dabqah gacen.

2 Malikwa 25:30

Tohuk kalah, faxxa haam edde xaamituh, kulli ayro lakqo kaah acayuk sugen. Rabba 'yam fan tonnal suge.