Nacmiya 11:17 - NABUWWA KEE MALIKWA

¹⁷ Mattanya kaadu Yarusalaamal dabaaqah gace marak numuk teenah yen. Mattanyah abba Miika deqsita numuk teneeh; Miikah abba Dabdi deqsita numuk ten. Asaf deqsita numih gulubuk yenen. Mattanya Yallih Qibaadah-Qaril Yalla faylisak aban saare edde haa numuk ten. Bakbukya deqsita num kaadu Yarusalaamal dabaaqah gace marat yen. Mattanya kee kaa'lih yan mari saare edde haa waqdi, Bakbukya kee kaa'lih yan mari saare kaah akkaquk yen. Leewih yooboke marak Qabda deqsita num kaadu Yarusalaamal dabaaqah gace marat yeneeh, abba kaak Sammuqa deqsita numuk ten. Sammuqa abba Galal deqsita numuk ten. Akak radeenim, Yadutan deqsita numuk ten.

Nacmiya 11:17 Referans Kwoze

1 Aydaad 9:15

Bakbakkar kee Ceeres kee Galal kee Mattanya deqsita mara. Mattanya Miikâ-baxaay, Miika Dikri-baxaay, Dikri Asaf-baxak ten.

Nacmiya 12:31

Sarrak anu Yuudak saqoltih yan mara magaalat maroh tan gasoh amol hee. Too waqdi saare-abay mangohiyya namma exxah hayya heeh, «Yalla faylisak, gexa» keenik exce. Naharsi roorut suge marak, «Guddaafâ-Qidim deqsitta afay migdi kabut raqtahiyya fan foora» exce.

Nacmiya 12:25

Mattanya kee Bakbukya kee Qobadya kee Masullam kee Talmon kee Qakkub deqsita num Yallih Qibaadah-Qarik culmal yen makaadiniy duyye edde daanisaanahiyyat aban dacayrik saqoltih yenen.

1 Aydaad 16:41

Oson toh aban waqdi, Heeman kee Yedutun deqsitta namma num kee ken lih yeexegen maray YALLA saarisaana'gidih dooreenihiyya tokkel too saare abak ten. YALLIH kacanuy waarahiyya faylisak yenen.

1 Aydaad 16:4

Leewih yooboke marak garabak Dawud iyyeemih, «Qahdi-Sandugih foocal, ummat YALLAY Israayil doore Dagelta kinnihiyya taqbude waqdi, isin dooqa abak, YALLA saarisakaay kaa faylisak foocat gacaay; tahak wadir sin taama tohu» keenik iyye.

2 Samuwel 9:12

Tohuk lakal Mafiboset malik buxal hununuh too malik xaylo takme maaqo akamuk yen. Xiba kee kay buxah mara Mafibosetih taamiteenih, baaxo kaah yubquren. Mafiboset maaqoh malik buxal gaceemih sabbatah, Yarusalaamal elle yeede. Kaak namma ibi inkih diglo luk yen. Usuk Miika deqsita lab-baxa luk yen.

Nacmiya 11:18

Ta mari inkih Leewih yooboke marak yeneeh; ta kedok Yarusalaam magaalay taahirik tanihiyyal dabaaqah gactem, tittat namma bool kee bacra-taban kee affara numuk ten.

Nacmiya 12:24

Casaabiya kee Sereebiya kee Yaasuwa kee Binnuy kee Kadmiyal deqsita num Leewih yooboke marak foocat anuk, ken missoyseeniih butta-buttal ken heen. Ta mari namma buttah gacca 'yeh, Malik Dawuduy Yallih numuh yenehiyya elle abak yen innal, Yallih saare aba mara kee yakkuqe marah gacca 'yeenih, Yalla faylisak yenen.

Nacmiya 12:46

Dawud kee Asaf dabaanal, Yallih fayla kee Yallah candu gacsan waqdi, miraacisah yan saqal suge.