Nacmiya 11:1 - NABUWWA KEE MALIKWA

¹ Abbobtih yan mari Yarusalaamal nooke. Too saaku, tabna numih addak inki numuy taahirik tan Yarusalaam magaalal dabaaqah gacu waahiyyah saami caxxa qiden. Wohuk raqqa 'ye mari elle suggu 'ye magaaloolil elle raaqe.

Nacmiya 11:1 Referans Kwoze

Yasaqya 48:2

Tonna'mmay afak, ‹*Kudduusuk tan magaalah mara kinnino› 'yaanamat kaxxam takkalen. ‹Yalli nek, Israayil doore Dageltaay; kay migaq YALLAY Nabaamak Nabahiyya. Kibaal kaal lino› 'yaanam intan. Away siinik axcem ankacisay yok oobbeya.

Yasaqya 52:1

Siyon maraw, uguta! Isinni qande kee nabna haysita. Yallih maray *taahirik yani kinnitoonuk, meqe sartanat gaca. Ahak wadir diini-maleela kee nadaasa-leela sin gasoh afak maculta.

Nacmiya 11:18

Ta mari inkih Leewih yooboke marak yeneeh; ta kedok Yarusalaam magaalay taahirik tanihiyyal dabaaqah gactem, tittat namma bool kee bacra-taban kee affara numuk ten.

Nacmiya 10:34

Nanu inkih tan Israayil xaylooy, axcih kaadu, Israayilih taabuke seeka kee Israayilih yooboke Leewih marak, Yallih xinto elle inta innal, YALLAY ni Dageltah yanihiyyah sadgatah qidan saqih cado elle carartu wayta boco baahu waa marah saami caxxa gulub-gulubul qidenno. Too boco kulli sanatal yaaxigen waktil baahenno.

1 Aydaad 26:13

Gulub-gulubul kurrumma iyyan waqdi, Qibaadâ-Qari fan akak culan mango afak dacayrih elle gacoonu waan afal, saami caxxa keenih qidak yenen.

Yoosuwa 18:10

Yoosuwa saami caxxal YALLI keenih loowe baaxo yable'gidih, saami caxxa qide. Tohuk lakal saami caxxal keenih tewqe baaxoo, baaxo geeh suge wayte kedoodah yecee.

1 Aydaad 9:3

Yuuda kee Benyam kee Efrayim kee Manasse deqsitta kedoodah yooboke mari Yarusalaamal gace.

1 Aydaad 8:28

Too mari inkih gulubwah saqoltih yen maraay; Yarusalaamal daffeyak yenen. Ken migooqa kitaabal tunkuttubeh ten.

1 Aydaad 9:1

Israayil marih migooqa inkih yuktubeeniih; Israayil Malikwah Aydaada deqsita kitaabih addal tan. Yuudâ-mari Yallal baahen makok gexxaamah, Baabelon-baaxo seewah ken been.

1 Aydaad 9:2

Naharaak isi baaxo kee isi magaalooli fan gactem, seeka kee Leewih yooboke mara kee Yallih Qibaadah-Qarit taamah suge marih durruyyat kee keenik kalah yan Israayil mara.

Nacmiya 4:22

Sarra taamak foocat yan marak exceemih, «Sin kee taamat enna 'ya marak inkih, laqô-taamak kalah, bar kaadu magaala akah dacrisna innah elle xinnaama» keenik exce.