Nacmiya 10:37 - NABUWWA KEE MALIKWA

³⁷ Qibaadâ-Qaril tan seekah kulli sanatal naharat orobte darok riyne buluula baahennooh; tohuk kalah kaadu, qinabak bicisne kamri kee caxâ xaylok bicsen *zeyti kee caxâ-miru keenih aceenno. Tohum inkih Qibaadâ-Qarik duyye edde daanisan golitteh addal heenno. Leewih yooboke mari ni mandar kee ni buqreh ardil tooboke darok taban haytoh af gaaboysak sugeemih taagah, taban haytoh af dakaatah keenih aceenno.

Nacmiya 10:37 Referans Kwoze

Nacmiya 13:9

Sarrak, «Woo duyye addal akak sugte qari taahirroysa» 'yaanam exce. Wohuk gaba kalen waqdi, «Yallih Qibaadah-Qarih duyyeey, sadgatah daaniseenih sugen daro kee qaydarus wadir elle suge qarih gacisa» 'yaanam exce. Gacseenih.

Malaaki 3:10

Away yi Qibaadah-Qaril niqmat akah yamagge innah, dakaatak tu cabe'kal baahaay, Qibaadâ-Qaril hayisa. Too duyye Qibaadâ-Qari bahteenik, qaran afoofi fakka heeh, amqinnaan niqmatay qadad sinni siinih ruubeyyom able liton. Toh siinik intam yoo YALLAY Nabaamak Nabahiyya.

Malaaki 3:8

«Anu, hay, kaadu siinik axcem liyo. Yok tu garqaanam bictaa? Mabicta'mmay, isin tu yok garaqtaanah. «Isiniiy, ‹Maca kok garaqna?› intan. «Dakaat duyye kee sadgatah yaceen duyye yok garaqtan.

2 Aydaad 31:6

Yuudâ magaaloolil suggu 'ye mari isinnih luk sugen laa kee illik taban haytoh af kaadu keenih yeceen. Toh lih kaadu, YALLIH migaaqal mattacoh rikeek daaniseenih sugen duyyek taban haytoh af keenih yeceen. Too duyye ittin amol haak koomâ-gide aben.

Nacmiya 13:10

Tohuk kalah kaadu, Yallih Qibaadah-Qaril saare aba mara kee Leewih yooboke marah acayuk yenen afto keenik yirgiqeenim oobbe. Tonna leemiik too mari Yallih Qibaadah-Qarih taama cabeeh isinni buqreh baaxo fan gexe.

Nacmiya 13:12

Tohuk lakal Israayil mari, dumak akah abak suge innah, Yallih Qibaadah-Qarih dakaatah darooy qinabak bicsen kamri kee caxâ xaylok bicsen *zeyti keenih baahen.