Naacum 2:4 - NABUWWA KEE MALIKWA

⁴ Faaris-gaariira gititteh addal tardeeh, magaalak booxa le aroocal wonnak annah yarden. Ifoyti'nnah uraanaah, cankaxi innah bixiq iyyan.

Naacum 2:4 Referans Kwoze

Ermiyaas 4:13

Naqboytit, qamburre qaraanal elle tamaate innal, tamaateh tan! Oson qeebi edde aban faaris, baaxok bagul fuluk axcuk gexxa caacoh innal, yamaate. Ken faras sissikaaneh qawiytak umah. Too saaku ummat: «Ahaysa baati nee tibbixeh! Nim tekkeh!» axcelon.

Yacedkel 26:10

Ken faroosa mangak gexxaamah, faarisih gexot tawqeh tan siisa sin buulele. Faaris-gaariira kee faras amok qeebi abta labha edde tan faariisa, tiddigille magaala cultu wayta waqdi, radah yan anayat gidaarwa engeyya axcele.

Yasaqya 66:15

Macaay inteenik, YALLI girah innal amaatele. Kay gaariira qaana fuluk haak tamaate. Niqba mara kaxxa bagcarrat edde digaala'gidih, YALLI gira gabat luk amaatele.

Daaniyel 11:40

« ‹Ellecabô-wakti xayyoowa waqdi, Masri malik qeebi kaat abeleeh, too waqdi Suuriyah malik gaariira kee faariisa kee mango maraakib haysitta heeh kaa'lih aamele. Mango baaxo weeqi'nnah duufut beyak wararele.

Yasaqya 37:24

Farmo elle rubte maral Yallih-qayto ruubak sugte. ‹Faras-gaariirat gacca inneh, yoo kee yi qaskar Lubnaan qaleelay fayya le awaquk sugne. Lubnaan qaleelak kaxxa fayya le qaleela awaquk sugne› yaanam inte. ‹Teetil yen kaxxa coox irgiqeh. Qax muquk ten *sariida ragidik irgiqe. Qalek kaxxam xer ikkel tan kaxxa garbo fanah gufeh en.

Yacedkel 23:24

Too mari mango silac kee faras-gaariiraay, awurut beyan gaariira kee mango qaskarak foocat gacca 'yeenih, kilbat le kabuk amaatelon. Gob kee amot haan birta luk marot koo heelon. Anu kaadu ken gabal koo heeyyo. Too waqdi too mari, ken madqa elle inta'nnal, kol ackumelon.

Yacedkel 26:7

YALLAY Mulki lehiyya kaadu qagseh iyyeemih, «Suur aysibixe'gidih, Baabelon-malikiy malikwak inkih nabahiyya baaheyyo. Kay migaq Nabkadnessar. Ta malik kilbat le kabuk kaxxa qaskar kee, faras amok qeebi abta qaskar kee, faaris-gaariira luk amaatele.