Naacum 2:13 - NABUWWA KEE MALIKWA

¹³ YALLAY Nabaamak Nabahiyya iyyeemih, «Anu siinik naqboyta ekkeh. Isin edde tanin faras-gaariira carariseyyo. Sin qaskaray qunxa lubooka ceelak tanihiyya carbit rabele. Sahdak beyya hayteenim siinik beeyyo. Ahaysa meysiisak duyye beytaana'gidih, farmoytitte baadal tan doolatwa fan marubtan» iyye.

Naacum 2:13 Referans Kwoze

Naacum 3:5

YALLAY Nabaamak Nabahiyya iyyeemih, «Nanawê-magaalay, kok naqboyta ekkeh an. Doolatwa qawrat kok akah table innah qasunuk koo cabeyyo.

Ermiyaas 21:13

«Yarusalaam magaalak kaadu iyyeemih, ‹Yarusalaamey, atu intam: Fayya 'ta ikkel aniih, yoo xagtam matanaay, yi adda num macula 'yaanam inta'mmay qeebi anu kot abeyyo.

2 Malikwa 19:23

Farmo elle rubte maral Yallih qayto ruubak sugte. ‹Faras gaariirat gacca inneh yoo kee yi qaskar Lubnaan-qaleelay fayya le awaquk sugne. Lubnaan-qaleelak kaxxa fayya le qaleela awaquk sugne› yaanam inte. ‹Teetil yen kaxxa coox irgiqeh. Qax muquk ten sariida ragidik irgiqe. Kaxxam xer ikkel tan kaxxa garbo fanah gufeh en.

Naacum 3:1

Sahda elle qidan magaalay, woyyow kot takku waytaamow! Deedalat elle yaaban magaalay, woyyow kot takku waytaamow! Mango duyyey buubtehiyya kot tanih; kok buubelon.

Yacedkel 5:8

Tonna leemiik yoo YALLAY Mulki lehiyya kok axceemih: tahak wadir qaduwwi kok ekkeh an. Inkih tan ummat elle table'kkel cokmi kol abeyyo.

2 Malikwa 19:9

Assuuriyah malikik migaq Sanceeribik ten. Ta malik, «Masri-malikiy Tirhaaka deqsitaah Kuusuh yaabukehiyya foocat-akak-yan-qaskar, kay qaskarat qeebi abta'gidih tamaate» 'yaanamih xaagi yemeete. Assuuriyah-malik tah yoobbe waqdi, Malik-Ciskiyyaahu fanah qagseh farmo ruube.

Yoosuwa 11:9

Yoosuwa YALLI a marak aba iyyeh kaa elle amrissa hee innal, faariisak keenik arqo yirgiqeeh gaariirat gira ruube.

Naacum 3:12

Assuuriyah mari megdebitte yabbaxu waa marah, *sublay xaylo akak alayteh innah gacele. Subla xaylo caxa ligligga haan way xayuk elle radda innal, ken gabat radelon.

Yacedkel 39:1

Yalli kaadu yok iyyeemih, «Bani-adantow, Goog abina ilaaqaay, kaat takku waytaamat yab. Kaak intaamah, ‹YALLAY Mulki lehiyya kok iyyaamah, Mesek kee Tuubal deqsitta namma kedoh abbah yan Googow, anu naqboyta kok ekkeh an.

Yacedkel 38:3

Kaak intaamah: YALLAY Mulki lehiyya, ‹Naqboyta kok ekkeh an› kok iyyah yan.

Yacedkel 35:3

Yoo YALLAY Mulki lehiyya ummatah waris kok axcem waris. Keenik intaamah, Edom qaleelay, anu naqboyta siinik ekkeh an. Lac sinniih num sinni baaxo koo abeyyo.

Yacedkel 29:10

inkih yan Masrik, Migdol deqsitta magaalay kilbat le kabut raqtahiyyak xabba haanamaay, Aswaan deqsitta magaalay gabbi-qaxat raqtahiyyak Kuusuh cuduuduh amma 'yaanam inkih, foyya abeyyo.

Yacedkel 29:3

Kaak intaamah, ‹YALLAY Mulki lehiyya, «Weeqayti gudel yan kaxxa xabaado ceela numow, anu naqboyta kok ekkeh an» kok iyyah yan› kaak inxic. «Niil weeqayti yiimiiy; anu innih kaa bicse» 'yaanam inta.

Yacedkel 28:22

Keenik intaamah: YALLAY Mulki lehiyya siinik iyyaamah, ‹Saydah ummatey, anu sin naqboyta ekkeh an› keenik inxic. ‹Siinik abu waam yok yabalu waa mari yoo faylisele. Sin addal yan marat abah an digaalat taahirik anim innik ayballayu waa saaku, YALLA kinniyom yok aaxigelon.

Yacedkel 26:3

«Tonna'mmay yoo YALLAY Mulki lehiyya tohuk iyyeemih, ‹Suur maraw, naqboyta siinik ekkeh anim siinih warsa. Qeebit sin yabbaxu waa mara siinit ruubeyyo. Too mari baddi haffoh innah kullim duufut beyak amaatelon.

Ermiyaas 51:25

Qagseh iyyemii, «Baabelon maraw, qalê-gideh gacca 'teenih inkih tan ummat bayisseenih immay a saakuk wadir sin naqboyta kinniyom yok ixiga. Tahak wadir gaba siinil heeyyooh qalê-gidey akah sugteenik foyyah cabba sin heeyyo. Gomboduh gacissa sin heeyyo.

Ermiyaas 50:31

YALLAY Dagelta kinnih, Nabaamak Nabahiyya kaadu qagseh iyyeemih, «Baabelon maraw, isin yol kaxxiinitteenim hinna! Wohoysa a saaku naqboytah siinik maaciseh an. Sin edde digaalu waa wakti xayyooweh.

2 Aydaad 32:19

Yarusalaam cata Yalla kee, gersi mari yalla iyyeh yaqbudeemiy gabak bicseeni, inki intit yublen.

2 Malikwa 18:19

Assuuriyah-qaskar-abbobtik numuk teeni keenik iyyemii, «Gexay Malik-Ciskiyyaahuk, kaxxam naba malikih yan Assuuriyah-malik, ‹Atu kibaal elle litom iyyaay?

2 Malikwa 18:17

Tohuk lakal Assuuriyah-malik Laakis-magaalak Ciskiyyaahuy Yarusalaam magaalal yanihiyya fan mango qaskar ruube. Woo qaskar lih, qaskar abbobtiy kaxxa arac luk tanihiyyak sidoc ruube. Yarusalaam magaala gufen waqdi, daga raqta dorak lee akak tamaate caraata elle obta'kkeh xaqul, «Sara kaqlisa marih Booxa» deqsita arac fan beya gital soolen.

Yoosuwa 11:6

Too waqdi YALLI Yoosuwak iyyemii, «Keenik mameysitin. Ah yoo YALLAAY; beera ta uddur, Israayil marih foocal, tikka 'yaanamaak sella ken heeh sugeyyo. Tohuk lakal faaris-gaariira keenik cararisettoonuuh, faariisak arqo keenik argiqetton» kaak iyye.

Ermiyaas 46:14

«Malik Nabkadnessar yamaatem Masri marah warisa. Migdol kee Moof kee Tacfanhis magaaloolil yan mara iysixxiga. Keenik intaanamah: ‹Sin xaqul yan mara edde selan seef sin kaadu macaba'mmay edde koysittoonu duddeenik, bical gaca› keenik inxica.

Yacedkel 13:8

«Tonna-leemik YALLAY Mulki lehiyya siinik iyyaamah, ‹Isin edde yabtan yab diraabaay; «Nubleh» intan wacyi tublen wacyi hinna. Tohih sabbatah tahal saduh siinil an› siinik iyya.

Yacedkel 21:3

Intaamah: YALLI, ‹Anu naqboytah kok aniih, seef sibak siibeh kol aniih; gitat yan mara kee umeynit tittak baxse'kal filla keenik kaleyyo.

Naacum 3:15

Magaala naqboytit siinik culaamak gaso edde haa'mmay, faxe bica abtaanamah girat cararetton. Carbit kaadu ambaxetton. Qanayti sele cooxih innah foyyah raqqa axcetton. Mangah qanayti gide tekken.