Naacum 1:15 - NABUWWA KEE MALIKWA

¹⁵ Naacum iyyeemih, «Wagitaay woo qaleelah kabuk, meqe xaagu gabat le farmoyti yamaateh yan! Wagari geytimem yaysaabbem faxa. Yuudâ-maraw, ifricay qiidih asaay, Yallah culten nadri ucuya. Sin naqboytiitiy umeynitih sugehiyya yembexeeh; ahaysa sin baaxo siinik beytam matana; ken inkitanuuk bayseh ikkal» iyye.

Naacum 1:15 Referans Kwoze

Yasaqya 52:7

Farmô-numuy qaleelak taturra 'yeh wagari xaaguy meqehiyya gabat lehiyya tableenim manxu meqeeh; too num waddiimaanam sinaamah warsaah, Siyon marak iyyaamah, «Sin Dagelti maliki» keenik iyya.

Ayyuqel 3:17

«Too saaku Israayil maraw, anu YALLAY sin Dageltah yani kinniyom yoh aaxigetton. Anu elle anim, Siyon qaley taahirik tani kinnim aaxigetton. Yarusalaam taahirik tan magaala akkeleeh; afak temeete qaskarih gabat maradda.

Yasaqya 52:1

Siyon maraw, uguta! Isinni qande kee nabna haysita. Yallih maray *taahirik yani kinnitoonuk, meqe sartanat gaca. Ahak wadir diini-maleela kee nadaasa-leela sin gasoh afak maculta.

Naacum 1:14

YALLI Assuuriyah-marih giddinaamak edde yaabeemih: «Migaaqat keenik elle yaaban xaylo keenik maraqta. Ken qibaadah bicsen qarwal tan Yalla akak iyyan duyye keenik bayseyyo. Assuuriyah marah kabrih bicsat an. A addunyah mano keenih mataguuda» iyye.

Yasaqya 41:27

Ta xaagu naharal warissem yoo YALLAK ten. Siyon-marah ‹Tah akkelem› warse. Yarusalaam fanah meqe xaagu le farmoyta ruubeyyo.

Yasaqya 42:11

Bacari kee bacarih tan baaxol tan magaaloolih maraw, YALLA faylisa. Keedarah yooboke mari YALLA faylisaama. Silaq deqsitta magaalal yan mari qililisak kaa faylisay; qaleelah amol gacca 'yeenih kaa faylisoonay.