Miika 7:8 - NABUWWA KEE MALIKWA

⁸ Yarusalaam mari iyyeemih, «Naqboytit nel akah tirtirissam mali. Boolatneh sugne'mmay, YALLI boola nee cabsiisele. Away diteh addat nani'mmay, YALLI noori nel oobisele.

Miika 7:8 Referans Kwoze

Yasaqya 9:2

Ditet tan ummat kaxxa ifu ablele. Duma silal elle radak suge rasul yan maral away ifi gacele.

Qobadya 1:12

Sin toobokot umam takke saaku, umaanel keenil tasuuleenim sin ceelak mananna. Keenit baati takke waqdi, tafriceenim sin ceelak mananna. Oson gadaamitan waqdi, wadir keenil horrissaanam, sin migaaqak mananna.

Malaaki 4:2

Siiniy yok meysitak yoo yaynabehiyyah tu gactek, sin catu waa ayro siinih awqeleeh; qaafiyat geettoonuuh, waddiimetton. Too waqdi ogok yifdigen rugaageh innah digiritetton.

Miika 7:10

Ni naqboytit aham isi intih ablele. Duma ‹YALLAY sin Dagelta kinnihiyya ankel yan?› axcuk suge maray Israayil marak naqboytiitih yaniih, nee qansarisak sugehiyyah nek gaca mara ken ablenno. Naqboytiitit kallah innah aaqitenno» iyyen.

Yacedkel 25:6

YALLAY Mulki lehiyya qagseh Qammon marak iyyaamah: «Farcatak gexxaamah gaba taagureeniih kaqittaanam ubleh. Israayil rasu uma intit tablen.

Qaamus 9:11

YALLI iyyamaa, «Dawud dardaarinnay yiddigille qarih innah yiddigillehiyya edde xisu waa wakti amaatele. Gaso akak xiseyyo. Abur wadir akak aqusbuuseyyo. Duma akah suge'nnah gacseyyo.

Ermiyaas 50:11

YALLI kaadu iyyemii, «Baabelon maraw, yi mara wararteeniih; toh siinit temqeh. Ruffu edde inten. Qaysok cayya iyyeh xobbaaqa gaalih innah xobbaqten. Canak cayye mooyuh innah kaqitten.

Yasaqya 49:9

Casbit yan marak, currih gexxaasita, axcettooh, ditet yan marak, iful eweqa, axcetto. «Giti qaxal baraya illih innah, gacelon; koomaamil yaloole illi akkelon.

Yasaqya 2:5

Tonnal hay! Yaqkuubuk rade maraw, YALLI neh yecee ifut genxa'gidih ama.

Yasaqya 50:10

YALLAK meysitaah, kay-naqasih-yab yaabbe maraw, diteh yan aracal ifu sinnuk gexxan way, Yalla eemenaay kibaal YALLAL haysita.

Ermiyaas 8:4

YALLI kaadu qagseh yok iyyemii, «Yi marak intaamah, ‹Yinnikisse num niksok maay ugte waa? Gitak hoxe num gitah maay aduure waa?

Ermiyaas 48:27

Mooyab maraw, isin duma Israayil maral af reqeeqisak sugteenim kassa haa. Ken giddinaamat yaabinnaan waqdi, garqot yibbixen marih innah, amo keenil kax haak sugten.

Yacedkel 36:5

«Yoo YALLAY Mulki lehiyya dariifal tan baaxooxah mara luk naqabut yaabah aniih, axcihiiy Edom lih naqabut yaaba. Yi baaxo been saaku farcatah rabakaay, iyyi maca nek abele 'yaanamah beeniih, saqi elle yaloole arooca isinnih haysiten.

Miika 4:10

Yarusalaam maraw, iihisa. Xalay edde xayyoowe barrah innah emreqeeqeda. Ahaysa magaalak awqettoonuuh, booxak bagul dabaaqah gacetton. Baabelon rasu sin beeloonuuh; tokkel cattiimetton. YALLI too rasul naqboytiitik sin wadele.

Zakariyya 12:8

Yooy YALLA kinni Yarusalaamal yan mara too ayro dacriseyyooh; gacca 'yaah, kaxxa boola keenik le num Dawud gide qandek aallele. Dawuduk rade mari yoo kee yi malaykattih innah ken miraacisele.