Miika 7:7 - NABUWWA KEE MALIKWA

⁷ Yoh tu gactek, anu YALLI abam YALLAK qambaaleyyo. Yi Dagelti yoo catelem aaxigeeh, kaa qambaaleyyo. Yi Dagelti yi yab aabbele» iyye.

Miika 7:7 Referans Kwoze

Yasaqya 45:22

Baadal tan ummatey, inkih waddintaana'gidih, a saakuuk yol uduura. Yalli dibuk yoo.

Yasaqya 25:9

Aham takku wayta saaku kulli num, «YALLI ni Dagelta kinnih, kibaal kaal hayneh, nee wadeh. Yalli kaa kinnih, kaa naamineh. Nee waddem kaa kinnuk, nafriceemiiy wallinnaama» axcelon.

Yasaqya 12:2

Wadeenah yok tanim Yalla; toh aaxigeh; digga liyo. Kaa aamineh, tuk mameysita. Qande akak geem YALLA kinni; kay dacayrih guba edde anim. YALLAY yoo wade kaa kinni. Faylisam YALLAY yoo wada>> 'yaanam axcetton.

Yasaqya 8:17

YALLI isi marak is yooqoreh immay anu niyak kaa aamineeh; niya elle liyom kaa.

Yasaqya 17:7

Too ayro sinam, Yallay kulli num ginahiyya fan wagteleh; Israayil doore Dageltay *Kudduusuk yanil kibaal haysitelon.

Daaniyel 3:17

Takkay immay muufek addat nee qiddaamah, nanu naqbude Dagelti nee yayyaaqu duudaah, ku gabat nee biyaakite kalam duudah.

Hosiqa 12:6

Tonna kinnuk Yallay sin Dagelta kinnihiyyal eemenaay kaal uduura. Yallak kalihim maqbudina; maqaane kee qadaalat le mara tika. Yallih cato tamaatem fanah, wonnah maxcinaay annah maxcinay kaa qambaala.

Ayyuqel 1:19

Qayso kee caxa elle aabakuk ten baaxo, gira edde gexxeh innah, kaffa karacca inteeh; tohuk gexxaamah, YALLAW, kol weeqa.

Cabakkuk 2:1

Sarrak kaadu iyyeemih, «Ahaysa magaalat maroh tan gasoh amol dacayrih yan qaskariitih innah, gacca exceh YALLI yok iyyam aabbu waah, kaa essereemik yol gacsam kaak qambaalu waa» iyye.

Cabakkuk 2:3

Away koh warisu waam edde takku wayta ayro uxih taniimih sabbatah, uktubay sug. Takkay immay maxeeriiy, too ayro xayuk amaatele. Anu koo ayballayu waam nummah akkele. Raagelem akkaletto'mmay takkem fanah qambaalay sug. Udurra mabtaay, akkele» iyye.