Miika 7:6 - NABUWWA KEE MALIKWA

⁶ A dabaanal lab xaylo isi xaleena duquura takkaleeh, say xaylo isi inantih amot gacta. Qunxa barra isi ballo lih mabicta. Buxâ-mari tittak naqboytit yakke.

Miika 7:6 Referans Kwoze

Yacedkel 22:7

Yarusalaamey, isi xaleena yassakaxxe num ku addal mayana. Marin baaxoh maray addal kok yani duquurussa. Gubun kee qayxiixa tadlume.

Qobadya 1:7

Wakalih luk sugten mari sin makele. Too mari qeebi siinit abeloonuuh, qeebil siinik ayselon. Sarrak baaxok sin ayyaaqelon. Qalla sin lih luk yen mari wadir sin ganele. «Oson luk sugen kas anke keenik gexee?» siinik axcelon.

Ermiyaas 20:10

Sinam tutuc axcih aabbe. ‹Kulli-ikkel-cunxo-qidek, a num doolat abbobtih warisnay› 'yaanam axcih ken aabbe. Yi kataysis aylahu yok wagitta. ‹Ayrok teena aylahissa kaa hayneh kaa abbixennooh cane kaal gacsenno› iyyan.

Ermiyaas 12:6

Ku tooboko kee ku buxah mari ku naqboytit lih gacca 'yeenih koo ganaanamih addat yaniiniih qeebi kot abaanam faxan. Tonna leemiik meqe yab ko'lih yaabaanamah ken maamanin» 'yaanam yok iyye.

2 Samuwel 16:11

Tohuk lakal Dawud Abiisay kee kay gubal taamita doolat marak iyyemii, «Inni sammok xale baxi yoo qidam faxa way, isin a numih xaafu macah waagissan? A xaafu kay afat haytem YALLA. Tonna-leemik yanay kaa inxicaay, aba xaafu abitay kaa 'xica.

Yasaqya 9:19

YALLAY Nabaamak Nabahiyya bagcarriteemih sabbatah, kay digaala girah innah baaxo inkih carariseeh, ummatta inkih bayseeh; num numul saduh gace.

Ermiyaas 9:4

«Tonna'mmay yaaminen toobokoyti siinit ane waamih sabbatah, kataysa kataysat siinik dacayrih gaca. Toobokoyti toobokoytat gano siinik aba; kataysa kataysa siinik camitaah deedal kaal haa.

Yasaqya 3:5

Mari marat keenik xukkutele. Qunxa urri barah naba mara mayassakaxxa. Tut loowoh suge wee mari, isik naba mara mayassakaxxa.