Miika 7:16 - NABUWWA KEE MALIKWA

¹⁶ Doolatwa tah tabalu wayta saaku, faxe cayla luk sugtaamah niya keenik butukka 'teh, af kee aytil gaba heelon.

Miika 7:16 Referans Kwoze

Yasaqya 26:11

YALLAW, isi-gaba ugusse'mmay, toh mayablan; edde maradan. Isi marah lito kacanu, ableloonuh; wacarriyelon. Koo niqbam girat ambaxele.

Yasaqya 52:15

Toh tekke waqdi yi naqsi mango baaxol tan ummatta yoo yaqbudoonuh rifele. Amoytitte kaa table way, qangara afak mayayyaaqan. Able weeniih, aabbe weenim, maqna akak aaxige weenim, aaxigelon; asmitelon; ahak sarra edde radelon.

Zakariyya 12:9

Too ayro Yarusalaamat qeebi abta'gidih tamaatu wayta doolatwa baysaamal malseh an» iyye.

Miika 5:8

Israayil maray saaboh raaqehiyya marin baaxooxal marin marih addat, lubookay garboh addat raarissa akkelon. Illi addat radde lubookah innah, maasayya maasayyah ken kuramkurelon. Too illi lubak afak cattam akah ane wayta innah, Israayil marak ta mara cattu waytam matana.

Yacedkel 38:23

Nabna le Dageltay taahirik yanihiyya kinniyom mango baaxoh mara tonnal aybulleeyyo. Oson YALLA kinniyom tonnal yok aaxigelon» iyye.

Yasaqya 66:18

«Anu sinam baguh tacsubem kee ken taama digga haa. Taway, baaxol enna 'ta ummatta inkih gaaboysu waa ayro xayih. Oson gaaboowan saaku, yi nabna takke gide ablelon.

Miika 3:7

‹Sarra woh akkeleeh, ah akkele› iyya mari iyyeemit wacarriyele. Anu ken yab moggolaay, tohuk gexxaamah qawratak radelon» iyye.

Caggay 2:22

Too saaku marin doolatwa deerik afah korseyyo. Luk suggu 'yen qande keenik bayseyyo. Carbi edde aban gaariira kee woo faras-gaariira beya mara kombobboliseyyo. Faroosa kee faroosah amot yan mari rabeleeh; seefit titta selele.