Miika 7:10 - NABUWWA KEE MALIKWA

¹⁰ Ni naqboytit aham isi intih ablele. Duma ‹YALLAY sin Dagelta kinnihiyya ankel yan?› axcuk suge maray Israayil marak naqboytiitih yaniih, nee qansarisak sugehiyyah nek gaca mara ken ablenno. Naqboytiitit kallah innah aaqitenno» iyyen.

Miika 7:10 Referans Kwoze

Zakariyya 10:5

Yoo wakalih loonumih sabbatah, Yuudâ-mari qeebil agiiray naqboytit kallat tayborooroke akkelon. Faaris amok qeebi abta labhak kinni way qeebil ayselon.

Ayyuqel 2:17

Yallih Qibaadah-Qarih adda akak culan culma kee sadgat elle aban aracak fanal, seekay YALLIH naqoosah-tani YALLAL weeqak dooqa abtaama. «YALLAW, isi marah xuwaw. Sahda nel asuule kalaay, sahda, ‹Sin Dagelti ankel yan?› axcuk elle qangaasalta mara nee maabin» axcuk dooqa abaanama.

2 Samuwel 22:43

Bututtukka ken heeh; siisa ken celsiise. Giti-kallah innah, taqqa keenit exce.

Miika 4:11

Mango baaxoh mari siinit qeebi aba'gidih gaabooweh yan. «Yarusalaam qaybit raddam meqe; a magaala abuuruh raqtam nablem fanna!» iyyan.

Ermiyaas 51:51

‹Nee xaafeeniih qaybit radneh. Qaybih tanim net tekkeeh; wacarriyih rabna. Marin baaxok yemeete mari YALLIH Qibaadah-Qarik taahirik tan arooca culen› 'yaanam intan.

Malaaki 4:3

Too ayroy anu gaba qidu waahiyya, umeynit gombod innah, kabel gubah gacissa haak, keenit aaqitetton. Tah intam yoo YALLAY Nabaamak Nabahiyya.

Malaaki 1:5

«Israayil mari tah isinni intih ablelon. Too waqdii, ‹Nabna lem YALLAAY; isi qande Israayil rasu dibuk hinnaay, Israayil baaxok kalih baaxol kaadu yaybulleeh yan› 'yaanam axcelon» iyye.

Qobadya 1:10

«Isin akak radden Qiiso kee Yaqkuub toobokok tene'mmay, Yaqkuub-duruyyat wararteeniih, ken qiddeenih. Tohuk gexxaamah selliimetton. Kulli waqdi qaybit rada mara akketton.

Daaniyel 3:15

Taway meqek, a gadah yaaguren duyyeh anay taabben waqdi, gommoh raday, ama ceelo uqbuda. Gommoh rade wayteenik, urta muufeh addat sin qideloonu'mmay, yi gabak kalah sin cata yalli mayana» keenik iyye.

Ermiyaas 51:24

«Tonna'mmay Israayil maraw, isinni namma intih abalih, Baabelon-mari Siyoonul baahe umaanek gexxaamah, ken digaaleyyo. Tahat yabtam yoo YALLA» iyye.

Yacedkel 7:18

Sartanah *qabuudut gaceloonuuh; inkih yan xagar meysih keenik axaxitele. Amo keenik mooleloonuuh; yakkeenimik inkih qawratak radelon.

Yasaqya 41:25

Tonna'mmay kilbatak num ugseh aniih; too num amaatele. Ayrô-mawqa le kabuk, yi migaq fayya haa'gidih, amaatele. Too num baaxok abbobtih yan marat, kalla arqusan waqdi kallat elle yaaqiten innal, keenit aaqitele. Buuti kallak bicsa num woo kalla arqusa waqdi elle yaaqite'nnah, keenit aaqitele.

Qobadya 1:12

Sin toobokot umam takke saaku, umaanel keenil tasuuleenim sin ceelak mananna. Keenit baati takke waqdi, tafriceenim sin ceelak mananna. Oson gadaamitan waqdi, wadir keenil horrissaanam, sin migaaqak mananna.

Miika 7:8

Yarusalaam mari iyyeemih, «Naqboytit nel akah tirtirissam mali. Boolatneh sugne'mmay, YALLI boola nee cabsiisele. Away diteh addat nani'mmay, YALLI noori nel oobisele.

Yoosuwa 7:9

Kanqaan kee raqqa 'ye maray a baaxol yanihiyya inkih ta xaagu aabbeleeh; marot hayya nee heenih nakkeemiik nee qidelon. Isi migaaqih taagah yi Goytaw, tahak tuk teena ab» iyye.

Yasaqya 26:11

YALLAW, isi-gaba ugusse'mmay, toh mayablan; edde maradan. Isi marah lito kacanu, ableloonuh; wacarriyelon. Koo niqbam girat ambaxele.

Ermiyaas 49:15

Macaay inteenik, Yalli siinik iyyaamah, ‹Edom maraw, sin boolayseyyooh; bursuten mara sin abeyyo.

Xafanya 3:15

Aysa siinil tan digaala YALLI siinik kalla hee; naqboytit siinik kalla hee. YALLI sin amoyta kinni; Israayil ummat waklisa. Ahaysa akak cunxittaanam matan; sin fanat maraqta.