Miika 7:1 - NABUWWA KEE MALIKWA

¹ Nabi Miika iyyeemih, «Woyyow yi nabsow! Satqiteh yemeete numuy caxat caxâ-miru weeh, qinab-xaylo wee ekke. Qinab kee salfa luk yen caxâ-miruk tu matan.

Miika 7:1 Referans Kwoze

Hosiqa 9:10

Yalli iyyeemih, «Israayil ummat naharak gee saaku, bacaril tooboke qinab caxah bis luk yenen. Sin kaxxa abbobtiy isin akak raddeenihiyya, coox elle yaabuke waktil naharat xalte *sublaytoh bis luk yenen. Takkay immay Faqor deqsitta qale yemeeten saaku, Baqal akak iyyan duyye Yallah haysiten. Ableh uma qibaadat gacca 'yeenih, uma ceelot aseenimih sabbatah, uma mara yekken.

Yasaqya 28:4

Laqaymumte birroh inna leh, niqmatak tan kayrih tan golok daga raqta magaala keenik xayi waktih addat bayele. Is luk sugte qaxa kee bilqa suge wayteh innah gacele. Kusrah amot tooboke xayloy alayte waqdi num ifiillaay ukumma heeh innah bayelon.

Yasaqya 24:13

Addunya kee addunyal enna 'ta ummatat, tamah takku waytaama. Caxâ-miru akak yifiilen caxah amot, akak aylahiten caxâ-miri tiya-tiyah akah raqta innah, addunyay baatehiyyah bagul num-num saaboh raaqele.

Yasaqya 17:6

Dago mari keenik raaqele. Israayil mari *daytuun caxay xaylo inkih akak ifiilla heenih, namma *daytuun akkeey sidooca *daytuun akke amot akak raqte akke kee, hinnay kaadu, gubi luddat dago xaylo akak raqtehiyya innah gacelon. Ah intam yoo YALLAY Israayil doore Dageltah yanihiyya kinni» iyye.

Ermiyaas 45:3

‹Atu Baarukow, «Woyyow, yot takkeemow, YALLI liyoh an biyaakat biyak yok osise. Yot yakkeh yan biyaakak gexxaamah, xagar yok boolaateh. Elle afoofe ikke mageyyo, 'yaanam inta'mmay,

Ermiyaas 15:10

Ermiyaas iyyemii, «Woyyow yi nabsow! Yi-ina yoo akah xaltem maca? A baaxol yan mari inkih wiilih yoh yan. Abuuduh tu akak bee num mayyuuy tu akah ecee num mayyu'mmay, tohuh kulli num yi abaarot yan.

Ermiyaas 4:31

Lacaw edde yemeete barrah xongoloh innah tanim yol radda. Naharsi-baxa xalta barra abta xongoloh bis le xongolo yol radda. Toh Yarusalaam mari abah yan weqweqsinto. Gaba deerih loonuuh, ‹Baati net tekkeh, bayneh nan! Nee selu waa mari mamaatat yan› iyyan».

Yasaqya 24:16

Baaxô-maggaraqak saareh-anay nel rada. «Qadaalat kee cakki le Dageltah fayla takkay» inta xongolo nel radah oobbe. Sarrak ganoleelay sinam gantahiyya uble. Too waqdi, «Woyyow yi nabsow, woyyow yi nabsow, unsumuumeh maana! Ganoleela uxih sinam gantah matanaa!» 'yaanam exce.

Yasaqya 6:5

Anu too waqdi exceemih, «Woyyow yi nabsow! YALLAY Nabaamak Nabaah malik kinnihiyya inni intih uble'mmay, edde yaabinnaan yab yok taahirik mayanay; addat akak anim, taahirik ane waa yab yaaba marih fanak tanih tanik, baati yot tekkeh tan» exce.

Ermiyaas 24:2

Kafaqak teenat nabam meqe *sublâ-xayloy naharak toobokehiyya ten. Nammeyhaytô-kafaqah addat toome xayloy yakmeenim sinnihiyya uble.

Ermiyaas 5:1

YALLI iyyeemih: «Ugutay! Yarusalaam magaalak adda wagga haay! Dariifa kaadu isinnik wagga haay! Qadaaga elle takke arooca kaadu cubbusay! Inki numuy yeemeneenih cakkih tanim abahiyya Yarusalaam addal mageytima. Geytimma 'yek, Yarusalaam marah qafu abeyyo.