Miika 6:5 - NABUWWA KEE MALIKWA

⁵ Baalak deqsita numuy Mooyab rasul amoytah yenehiyya siinih loowem, yi ummatey, kassa haay. Too malay siinih malseenihiyyal Baqor-Balqam kaal gacsem kaadu kassa haa. Tikible-Golo deqsita aracak Gilgal deqsita aracay elle yanfidigeenihiyya fan gexxan waqdi, gital siinit tekkem kassa haa. Toh kassa haytan waqdi, anu sin rooci wadu siinih abem kinniimit radetton» iyya.

Miika 6:5 Referans Kwoze

Makaabon 5:11

Qeelaali deraafil yan butta yakke mari YALLIH iisat afracuk yaabanaah Israayil mari yeyseemit yaaban. Tohuk lakal YALLI ummatta elle sugte magaaloolik butta akkuk gexxe.

Yoosuwa 4:19

Ummatta Ordon weeqaytuk sanatak naharsi alsak tabanhaytoh ayrol tewqeeh; Gilgal deqsita aracay Yerikô-magaalak ayrô-mawqa le kabut raaqahiyyal yinfiddigen.

1 Samuwel 12:7

Taway isin ama elle tanin ikkel elle soolaay; anu YALLI sin kee sin kaxxa abbobtik rooci cata'gidih abe kaxxa taama elle abe'nna, kassis siinih abak, YALLIH foocal geyto siinit haysitam faxam liyo.

Yoosuwa 2:1

Tohuk lakal Yoosuwa, Tikible-Golo deqsita aracak namma num gibah ruube. Farrintoh too namma numuk iyyemii, «Kanqaan baaxok axcihiiy Yeriko deqsitta magaala sasot rebsimak gexay gibitay gaca» iyye. Too namma num gexxeeh; woo magaala gufen waqdi, Racab deqsitta xiiqareh xiinah buxa gexeeniih; wokkel elle xiinen.

Yoosuwa 3:1

Too ayrok geeri ayro Yoosuwa kee raqqa 'te Israayil ummat inkih maaca dibroh ugutta 'teh woo dabqih elle sugen Tikible-Golo deqsita aracak gexeeniih; Ordon weeqaytuk tabaanam fanah weeqayti xaqul elle yinfiddigen.

Makaabon 11:25

Mooyab malikih yen Baalakay abba akak Xiffor deqsitak yenehiyyak taysem isik maay takkale? Too malik way Israayil marih qeebih gexe saaku luk masuginna.

Yasaqya 1:27

Yalli qadli kee cakki leemih sabbatah, Yarusalaam kee tet addal yan maray toobite waddiimele.