Miika 6:3 - NABUWWA KEE MALIKWA

³ YALLI iyyaamah, «Yi maraw, anu siinil baahem macaay? Anu siinil quuka elle ekkem manna? Siinil quuka elle ekke inna yoh warisay!

Miika 6:3 Referans Kwoze

Ermiyaas 2:5

YALLI siinik iyyam ah teetik, oobbeya. Sin kaxxa abbobti yot geyteemiy makot akah gexak sugeeni macaay? Maca keenil baahe? Gabak bicsen duyye yaqbudeenim taamah haysiten. Tu xiqe-sinni-duyyeh qibaadat gaceeniih tu xiqe-sinni-mara isinni aben.

Ermiyaas 2:31

«Siinik axcem yok toobbeenik sin esseru waak ankacisay! Anu bacarih tan baaxoy num bakaarak elle waddiime waa, siinil ekkem maa saakuu? Ditey baaxo akah able waytaanahiyya siinil ekkem maa saakuu? ‹Ahaysa currik yan mara kinninooh; ninnih fanxem abenno ikkal, ku fanah manamaata› 'yaanam akah intaanam macaay?

Miika 6:5

Baalak deqsita numuy Mooyab rasul amoytah yenehiyya siinih loowem, yi ummatey, kassa haay. Too malay siinih malseenihiyyal Baqor-Balqam kaal gacsem kaadu kassa haa. Tikible-Golo deqsita aracak Gilgal deqsita aracay elle yanfidigeenihiyya fan gexxan waqdi, gital siinit tekkem kassa haa. Toh kassa haytan waqdi, anu sin rooci wadu siinih abem kinniimit radetton» iyya.

Yasaqya 5:4

A caxa taabuke'gidih, meqe xaylo xalta'gidih, abe akah weem maay liyo? Meqe xayloy xaltam faxe; maxalinnaay; mabaahinna. An' cube weeh, acsube wee mulcu le xaylo yoh xaltem macâ-sabbata? Sabab le?