Miika 5:9 - NABUWWA KEE MALIKWA

⁹ Naqboytiitit qeebi abay sella ken haa!

Miika 5:9 Referans Kwoze

Yasaqya 26:11

YALLAW, isi-gaba ugusse'mmay, toh mayablan; edde maradan. Isi marah lito kacanu, ableloonuh; wacarriyelon. Koo niqbam girat ambaxele.

Yasaqya 11:14

Oson titta geyya heenih ayrô-culma le kabul tan Filistiin-ummattat qeebi abeloonuuh; ayrô-mawqa le kabul tan ummatta kaadu buubelon. Edom kee Mooyab-ummattak qeebil ayseloonuuh; Qammon-ummatta ken yab oggolelon.

Yasaqya 37:36

Tohuk lakal YALLIH malaykatti Assuuriyah-mari elle yan ikke barat amma 'yeh, bool kee bacra-taban kee koona alfih num yiggifeh maacise. Saaku sinam xiinik ugutte waqdi too gide yakke marih ginaada yublen.

Yasaqya 33:10

YALLI iyyamaa, «Away anu ugteyyo. Away, yi nabna kee yi qande sin aybulleeyyo.

Yasaqya 1:25

Amah siinit macabaay, liton nadaasak sin kaqliseyyo. Saabunut kaqlisen saroh innah nadaafatah sin heeyyo.

Caggay 2:22

Too saaku marin doolatwa deerik afah korseyyo. Luk suggu 'yen qande keenik bayseyyo. Carbi edde aban gaariira kee woo faras-gaariira beya mara kombobboliseyyo. Faroosa kee faroosah amot yan mari rabeleeh; seefit titta selele.

Zakariyya 9:10

Israayil mari le faaris-gaariiray carbi edde abaanahiyya keenik bukkuseyyo. Yarusalaamak carbi edde aban faroosa kaleyyo. Carbi edde aban gayse kee gaysê-xaylo ken waysiiseyyo. Sin malik baadal tan ummat wagrisele. Kay abbootan badak a af kee woo af takke baaxo duudusele. Furaat weeqaytuk xabba haanam kee baaxô-maggaraqah amma yaanam duudusele» iyye.