Miika 5:8 - NABUWWA KEE MALIKWA

⁸ Israayil maray saaboh raaqehiyya marin baaxooxal marin marih addat, lubookay garboh addat raarissa akkelon. Illi addat radde lubookah innah, maasayya maasayyah ken kuramkurelon. Too illi lubak afak cattam akah ane wayta innah, Israayil marak ta mara cattu waytam matana.

Miika 5:8 Referans Kwoze

Zakariyya 10:5

Yoo wakalih loonumih sabbatah, Yuudâ-mari qeebil agiiray naqboytit kallat tayborooroke akkelon. Faaris amok qeebi abta labhak kinni way qeebil ayselon.

Miika 4:13

YALLI iyyeemih, «Yarusalaam maraw, gexay isinni naqboytit ibah iqita. Gayse birtak akak bicseenih, xukcuno nacaasak akak bicsen awurih innah qandeh sin heeyyo. Mango baaxoh marak qeebil aysetton. Oson umam abittot geen gaddaliino yoo fan baahelon. Anu YALLAAY; inkih yan baadal yan Goyta kinniyo» 'yaanam iyye.

Zakariyya 12:3

Too ayro Yarusalaam kaxxam qilsa le xaa abeyyo. Too xaa ugsa'gidih yamaatu waa mari biyaakitele. Kulli baaxoh mari teetit qeebi aba'gidih titta geyya heeh amaatele.

Zakariyya 9:15

YALLAY Nabaamak Naba isi ummat umaanek catele. Kay ummat naqboytiitik aysele. Qinabak bicsen kamrik cayyeh yiskire numih innah, qeebi booxal tirtiriselon. Naqboytiitik qabala caxelon. Ken naqboytiitih qabal, sadgatah qiden saqih qabalay sacnik sadgat elle aban mansaf bagul caxaanahiyyah innah caxitele.

Hosiqa 5:14

Israayil kee Yuudâ marat lubak qeebi elle aba'nnal keenit abeyyo. Anu innih rike rikeh kurra ken heeh ken cabeyyo. Ken hirriigisu waa waqdi, num ken macata.

Yasaqya 5:29

Ken qaskar, lubookay qidde lac sahda keenik bukkussaamak garadak kuddahiyyah xaw xawta.

Yacedkel 39:10

Too silac girâ-bocoh haysiteloonuuh; tohuk gexxaamah bocô-goranah coox elle yan booxa magexaanaay, garbok bocoh coox mayargiqan. Ken warare mara warareloonuuh, ken buube mara buubelon. Tahat yabtam yoo YALLAY Mulki lehiyya» iyye.

Miika 2:12

YALLI iyyeemih, «Israayil maraw, baatik raaqu waa mara inki ikkel gaaboyseyyo. Bar gasoh orbisan saqih innah tittal sin gacseyyo. Mangah, baaxol rob yan saaku mango qayso elle tooboke ikkel yaloole illih innah, gacetton» iyye.

Miika 4:7

A mari aymiteeh, buxak yexxeere marah yaniini'mmay, meqe bica keenit abeyyo. Too mari kaxxa doolat akkele. Siyon Qaleh amol too ayrok wadir anu innih ummaan waqdi keenil ackumeyyo.

Miika 5:3

Barra lab-baxa xaltam fanah, YALLI isi marat darre cabele. Tohuk lakal marin baaxol keenik yan mari isi baaxo fanah aduureleeh, isi marat angalele.

Miika 7:18

«Kok sa Yalli mayana. A saaku ku digaalak cattiime marah qafu abte. Akak aduure wayta naqabuh matanqiba. Amurruqe sinni kacanu nee taybulluyem koo ruffa hayta.

Zakariyya 11:6

Too waqdi yok iyyeemih, «Anu ahak wadir a baaxol enna 'ya marah maxuwaawaay, ken macata. Kulli num, garil kaak yan num akkeey, amol kaak yan amoytih gabal hee akkeyyo. Too mari baaxo bayseleeh, anu kaadu woo baaxo baysoonay ken axceyyo. Tah intam yoo YALLA» iyye.

Malaaki 4:3

Too ayroy anu gaba qidu waahiyya, umeynit gombod innah, kabel gubah gacissa haak, keenit aaqitetton. Tah intam yoo YALLAY Nabaamak Nabahiyya.

Zakariyya 14:18

Masri mari, «Iraawô Dabih Qiidih masna» iyyeenik, tonnal Yalli, «A qiidih magenxa» iyya maral ruube dalka keenil ruubele.