Miika 2:8 - NABUWWA KEE MALIKWA

⁸ Takkay immay isin yi marak naqboytit tekken. Ummat carbik isi buxa taduure waqdi, amaanah sugelem akkaluk yamaateeni'mmay, oson lon sartan bukkoh keenik beytan.

Miika 2:8 Referans Kwoze

Yasaqya 9:21

Manasse kee Efrayim mari qeebi tittat abeenih, tonnah kaadu, titta lih gacca 'yeenih Yuudâ-marat qeebi aben. Tohuh, Yallih naqbi maxamcaay, ken edde digaaluh ruube gaba wadir magacsa.

2 Samuwel 20:19

A magaalah mari Israayil addal amaan kee digga le mara. Ni magaala Israayil addal kaxxa tuxxiq le magaala. Hay, tonnal, nee akah bayissam faxxam macaa? YALLIH magaala bayissam akah faxxam macaa?» kaak inte.

Ermiyaas 12:8

Inni maray innih doorehiyya a saaku yi naqboytiitik maacisen. Garboh addat suge lubak yol yekkeeniih, tohuk gexxaamah yi naqabu yussukuqen.

Miika 3:2

meqem niqbaah, umam kicna mara tekken. Yi marak arab nuwwih tayyaaqeeniih, lafâ bagul tan cado keenik kaltan.

Miika 3:3

Yi mara selteenih. Xagarak arab siibba keenik hayteeniih, lafa keenik butukka hayten. Buutil alaysan cadoh innah ken kitiften.

Miika 7:2

Baaxô-bagul yaaminen num maraaqinna. Yallal imaan haa num mayana. Num numtin qidimih raarisa. Kulli num isi baaxoh numuh alluwwah innah admoh gexa.

Miika 7:3

Umam abittol ken celtam matan. Doolat saqolti kee cokmaaba guqul faxxaah, milki le mari faxxa heem aban. Yakkeenimiik sahdak aboonu waanamal malsitan. Isinnih faxaanamah sinam dirkisan.