Miika 2:12 - NABUWWA KEE MALIKWA

¹² YALLI iyyeemih, «Israayil maraw, baatik raaqu waa mara inki ikkel gaaboyseyyo. Bar gasoh orbisan saqih innah tittal sin gacseyyo. Mangah, baaxol rob yan saaku mango qayso elle tooboke ikkel yaloole illih innah, gacetton» iyye.

Miika 2:12 Referans Kwoze

Yacedkel 36:37

YALLAY Mulki lehiyya iyyeemih, «Israayil mari ahak sarra cato yol essereleeh, too waqdi illi innah ken aymaggeyyo.

Miika 7:18

«Kok sa Yalli mayana. A saaku ku digaalak cattiime marah qafu abte. Akak aduure wayta naqabuh matanqiba. Amurruqe sinni kacanu nee taybulluyem koo ruffa hayta.

Miika 7:14

Ummat inteemih, «YALLAW, saqi-loynah innal, isi mara dacris. Isi maray isih doorittehiyya dacris. Nanu elle nanim garboh tan baaxo'mmay niqmatak tan baaxo dariifal nek tan. Dumî-dabaanal akah abak sugne innah, Basan kee Gilqad rasuy niqmatak yanihiyya fan genxeh caynay nee inxic.

Miika 5:7

Marin baaxooxal, mango marih addat yan Israayil maray saaboh raaqehiyya, YALLI ruuba naafi qayso akah doogisa innah, too marah tonnah doogiselon. Yalli ruuba rob coox akah doogisa innah doogiselon. Keenik dariifal yan mari barkat keenik geele. YALLA akke waytek sahdal kibaal mahannon.

Qaamus 1:12

Tonna-leemiik Teman deqsitta magaalat gira ruubeyyo. Bosra deqsitta magaalal tan megdebitte kaadu carariseyyo› iyya» 'yaanam iyye.

Hosiqa 1:11

Yuudâ mara kee Israayil-mari wadir kaadu angaleleeh inki mara akkelon. Inki amoyta haysitelon. Isinni baaxol gaddaleela akkelon. Yidraqel-ayro, kaxxa ayro akkele.

Yacedkel 37:21

Sarrak keenik intaamah: YALLAY Mulki lehiyya iyyaamah, ‹Israayil mara elle gexen baaxok bahha heeh, tittal ken kobxissa heeh ken baaxo ken gacseyyo.

Yacedkel 34:31

«Isin yi illow, innih ayloole illow, yi mara kinnitoonuuh, anu sin Dagelta kinniyo. Tahat yabtam YALLAY Mulki lehiyya» iyye.

Yacedkel 34:22

Ahaysa inni illi tahak cateyyooh; umam keenil baahi mahaa. Inni illik kulli lacal cokmi abeyyo. Meqe lac kee uma lac tittak baxseyyo.

Yacedkel 34:11

«Yoo YALLAY Mulki lehiyya siinik axceemih, Inni illih goran innih abeyyooh, innih ken dacriseyyo.

Ermiyaas 23:3

«Inni maray baatik saaboh raaqehiyya away fixixih elle abbixe baaxok gacseyyooh, elle yooboken baaxo fan ken gacseyyo. Ken gacsek lakal, isinni baaxol mango xaylo xaleloonuuh andarrelon.

Yasaqya 34:6

Sadgatah qidan saqa edde yasguuden gilel, qabala kee xayti elle raaqa gurrah, YALLI a mara edde qidu waa seefih bagul, qabal kee xaytak mangom raaqele. Macaay inteenik, YALLI Bosrâ-magaalal sadgatah ken qideleeh; Edom baaxol ken asguudeleeh, selele.

Yasaqya 27:12

Too ayro YALLI, Furaatak xabba haanamaay Masri cuduudul yan daqaarah amma 'yaanam fan, Israayil ummat gaaboysele. Isi mara gaaboysele. Kamadik caffa elle baxsan innal, ken baxisak ken gaaboysele.

Yasaqya 11:11

Too ayro YALLI qagisak isi-qandet isi-maray baatik-saaboh-raaqehiyya le baaxol gacsele. Assuuriya kee Masriiy; Fatros deqsita aracay Masrik gabbi-qaxat raaqahiyya kee Kuusuuy; Qeelam kee Baabelon baaxooy; Camat kee baddi dariifal tan baaxooxak ken baahele.

Ermiyaas 3:18

Too saaku Yuudah-ummatta Israayil-xaylot angaleleeh, sarrak marin baaxoy kilbat le kabul tanihiyyak aduureloonuuh; ken kaxxa abbobtih kulli waqdi ikoytah eceeh en rasu fan gacelon.

Yasaqya 5:17

Gaddaleelah-qarwa elle sugte aracay abuuruh raaqehiyyal beedi gacele. Illi-xaylo kaadu taloole qayso elle geele.

Miika 2:13

YALLI gita keenih fakele. Magaala akak culan afa butukka heenih, num xagar keenik xage'kal gexelon. YALLAY keenik malikih yanihiyya isih foocat gacca 'yeh ken beele.

Miika 4:8

Siyon-qaley, duma akah sugte'nnal, yi marah reebu akkettooh; Yarusalaam dumaak akah sugte baaxok inaytâ-magaala akkele» iyye.

Miika 5:8

Israayil maray saaboh raaqehiyya marin baaxooxal marin marih addat, lubookay garboh addat raarissa akkelon. Illi addat radde lubookah innah, maasayya maasayyah ken kuramkurelon. Too illi lubak afak cattam akah ane wayta innah, Israayil marak ta mara cattu waytam matana.

1 Aydaad 1:44

Belaq rabe saaku, Bosra deqsitta magaalal yooboke Derac deqsita numih baxay migaaqah Yobab deqsitahiyya kay lakal dardaare.

Yacedkel 34:13

Marin baaxok ken gacseyyooh, inki aracal ken gaaboyseyyo. Wadir ken baaxo ken gacseyyo. Israayil baaxoy qaleela leeh buyyitte lehiyya ken gacseyyooh; akadah (agdah) yan arac ken beyya heeh, ken aylooleyyo.

Xafanya 3:20

Sin maray fixixih yani le baaxo edde yaduure wakti, maxeeriiy, ahaysa xayih. Meqe manoh sin gacseyyo. Toh edde yakku waa wakti isin 'sinni intit abletton. Migaq akak yaabben maray, faylisaana sin abeyyo. Baadal inkih sin aabbelon. Tah intaah, tahamat yabtam, yoo YALLAY sin Dageltah tan» 'yaanam iyye Meqe Goyta.