Miika 2:1 - NABUWWA KEE MALIKWA

¹ Miika kaadu iyyeemih, «Deerih gacca 'yeh umam acsubuk xiina maraw, woyyow siinit takku waytaamow! Toh abtoonu duddaanamih sabbatah, maaci maacisa waqdi, xayih bar acsubuk xinten umaanet assan.

Miika 2:1 Referans Kwoze

Yasaqya 32:7

Xuwaw sinni anaani-leela umaanet assa. Tu maleela edde baysan dirab kee masaakiina cakki edde waysiisan malat gacan.

Naacum 1:11

Nanawê magaalay, YALLAL malse numuy sahdah uma fayu yeceehiyya kok yemeeteh yan.

Ermiyaas 18:18

Too waqdi ta mari iyyeemih, «Ermiyaasak tuk teena abnam nel tan. Nek faxxintaah nel tanim neh warissa seeka taniih, kasloytiitiy fayu neh yacee kaadu linoh. Yallih farmo neh warissaamak kaadu nabuwwa tanik, Ermiyaas tiyak tuk teena innaama. Usuk axcinnaanim aabbe waynaama» iyyen.

Yasaqya 59:3

Diraabat yabtaanaah, kullim dirkih abtaanaah, qabal gabal siinik yan. Toh inkih qellatay isin abtaana.

Yacedkel 11:2

Too waqdi Yalli yok iyyeemih, «Bani-adantow, uma malah malissaah, a magaalah addal uma fayuh sinam fayissam tama mara» yok iyye.

Aster 9:25

Takkay immay Aster malikil gexxeeh, too saaku malik amri yecee. Haaman Yahuuduh loowe umaane kaal tuduure. Kaa kee kay xaylo takkartinteh.

Aster 5:14

Kay barra kee kay kataysis ta yab toobbe waqdi, «Sahda edde takran caxxay xexxaarah labaatanna kee namma mitri yakkehiyya macah bicse wayta? Beera malikik, ‹Mordakay a caxxat takram faxa› inteh takartaamak sah! Kaa takarsissa hayteh, isih farcaanak woo xiglah gexxaama» kaak iyyen. Haaman too fayu yoobbe waqdi, «Tah meqe malak tanih tan» 'yaanam isi bagul yucsubeeh, too waqdi sahda edde takran caxxa bicsiise.

Aster 3:8

Too waqdi Haaman malikik iyyeemih, «Akkel atu malikih elle tan baaxoh addal fixixih yan mari yaniih, too mari elle ane wayya haa rakaakay maloonuuy, akkel keenik sah num alle waa qaada loonuuh, atu malikih elle tan baaxol amrissam moggolan. Tonna leemiik tibba keenik intam mafaxxinta.

Yasaqya 29:20

Macaay inteenik, racmatta maleela baatih gexele. Kulliimil qangaasalah raba mari mano luk maraaqa. Umaaneh abittoh sangeelak yen marih baati akkele.

Yacedkel 33:26

Isinni seefit kaxxiinittan. Umâ-yabulih taniimit assan. Kulli num siinik cuggaaneh siinik yan numih barrat fido faxa. Hay, too way, baaxo sinim akkelem mannal siinit celtaa?› keenik inxic.

Yacedkel 38:10

YALLAY Mulki lehiyya Goog giddinaamak iyyaamah, «Too ayro gufta saaku, uma malah malsetto.

Yacedkel 46:18

Baaxoh-abba ummat-baaxo ummatak bee waama. Ken baaxok ken xiiriye waama. Isi xayloh baaxo yeceem faxek, isi baaxok yeceemi. Yi marat xukkute waama» iyye.

Miika 6:12

Siinik gadda leelah yan mari tu maleela yadlume. Takkeenimiik dirab leela kinniton. Sinam duquurussan.

Zakariyya 7:10

Gubun kee xaleena akak rabte qayxiixaay, marin baaxoh maray sin addal yanii kee tu sinni masaakiinah emeqa. Isinnih kaadu umam tittah mamalsina› keenik exceh en.

1 Malikwa 21:7

Idebal too waqdi annah kaak inte, «Meqehik, atu malik kinnitoo hinnito? Katay, qarkaytok ugutay, mawariggitinay maaqo ukum. Nabotuk qinab-booxa anu koh ayyaaqeyyok, ama ikkek ugut» axcuk aytikuma kaah tecee.

Yasaqya 3:14

YALLI isi marak idoola kee abbobtih yan maral cokmi abele. Keenik iyyu waamah: «Yi baaxoy qinab xala coox elle aabakuk sugehiyya bayissen. Buxaaxi siinik masaakiinak beyten duyyek kibut tan.

Yasaqya 5:8

Dumaak luk sugen qarwat ossotinah osisaana'gidih, gersi qarwa kee baqurê-baaxo xaamita maraw, woyyow, siinit takku waytaamow! Sinaamah dabaaqah elle gacan arac macabinnitoonuuy, baaxol isinnih dibuk haysiten.