Miika 1:16 - NABUWWA KEE MALIKWA

¹⁶ Yuudâ maraw, kicinuk tenen xayloh rookah amo isinnik moola. Xaylo siinik seewah beeloonu'mmay, ken rookah gaali-gumah amoh innah moyya isinnik muxcah aba.

Miika 1:16 Referans Kwoze

Yasaqya 22:12

Too ayro YALLAY Dagelta kinnih, Nabaamak Nabahiyya iyyemii, «Weeqaay boogisa. Amo isinnik moolaay sartanah *qabuddat gaca» 'yaanam siinik iyye.

Ermiyaas 7:29

«Tohuk gaba kalta waqdi intaamah, ‹Yarusalaam magaalah ummatey, rookita! Amo isinnik moolay muxcah caba. Molten amoh xagorta baaxot qida! Yoo YALLI bagcarriteeh inni mara cineemih sabbatah qaleeli amol keenih weeqay rabe marah abak yenen booge keenih aba› inxic.

Qaamus 8:10

Qaffaydah abak tenen farcatih aftok rookitetton. Saxxaq elle abak tenen ikkel, boogisetton. Dubuk lon baxi akak rabe xaleenah innah boogisettoonuuh, amo isinnik molla hayteenih *qabuudut sartanah gacetton. Too ayroh ellecabo mameqeey, qeero siinit aallele.

Ermiyaas 16:6

Gaddali kee baacoyti keenik inkih, ta rasul elle rabeleeh, num keenih marookitaay, num ken mayaaguqa. Ken rabih rookah isi xagar num masalliyaay amo isik num mamoola.

Ermiyaas 6:26

YALLI isi marak iyyeemihii: «*Qabuudut gacaay gombod bagul ubruka. Sin bayisu waa num garciik siinit yemeeteh immay, inki baxay luk sugeenihiyya akak rabe xaleena elle weqta'nnal, weeqaay rookita» iyye.

Yasaqya 15:2

Dibon mari qibaada-elle-aban-qale yewqeenih, sadgat elle aban aracih garil weeqan. Mooyab mari, Nabo kee Medabâ-magaalah-marah boogisaanaah rookitan. Rookah amo kee deben isinnik mooleenih.

Ermiyaas 47:5

Gaadâ-mari kaxxa rookah amo isinnik moolah able. Askalon mari kaxxa tibba abah able. Filistiin marak rabak raaqe mari rookah xagar isik qanxisah able.

Qaamus 7:11

Qaamus, ‹Yarobqam carbit rabeleeh, Israayil ummat carbit xabba heenih seewah beelon› 'yaanam iyya» inta farmo kaah ruube.

Qaamus 7:17

YALLI kok iyyem koh warisu waa. ‹Barra kok a magaalal xiiqareh-xiina akkele. Xalte xaylo carbit kok rabele. Ikoytah lito baaxo qaduwwi kok kureenih keefelon. Atu kaadu diini-maleelah yan marih baaxol rabetto. Israayil marah tu gactek, carbit xabba ken heenih seewah ken beelon› 'yaanam iyye» kaak iyye.

Ermiyaas 4:8

YALLIH bagcarray kaxxam gibdihiyya Yuudah-ummatta macabtak, rookitaay *qabuddat gacaay weeqaay boogisa, keenik inxic» iyye.